മലപ്പുറം: ആലപ്പുഴ- കണ്ണൂര് എക്സിക്യൂട്ടീവ് ട്രെയിനിലെ തീവെയ്പ് കേസിലെ പ്രതിയുടെ രേഖാചിത്രത്തോട് ചേര്ത്ത് മുഖ്യമന്ത്രിയുടെ മുഖം മോര്ഫ് ചെയ്ത് ഫേസ്ബുക്കില് പ്രചരിപ്പിച്ച യുവാവിനെതിരെ കേസെടുത്തു. മലപ്പുറം ചങ്ങരംകുളം മാന്തടം പരുവിങ്ങല് അനസിന് എതിരെയാണ് ചങ്ങരംകുളം പോലീസ് കേസെടുത്തത്. ഇയാള് കോണ്ഗ്രസ് പ്രവര്ത്തകനാണ്.
ട്രെയിനില് തീ കത്തിച്ച പ്രതിയുടെ രേഖാചിത്രവുമായി മുഖ്യമന്തിയുടെ ഫോട്ടോ മോര്ഫ് ചെയ്യുകയും സോഷ്യല് മീഡിയയില് പോസ്റ്റ് ചെയ്യുകയും അതിന്റെ ലിങ്കുകള് മറ്റു വാട്സാപ് ഗ്രൂപ്പുകളിലേക്ക് ഷെയര് ചെയ്ത് മുഖ്യമന്ത്രിയെ അപകീര്ത്തിപ്പെടുത്തിയെന്ന് ആരോപിച്ച് സിപിഎം, ഡിവൈഎഫ്ഐ പ്രവര്ത്തകരാണ് പരാതി നല്കിയത്.
സംസ്ഥാന പോലീസ് മേധാവി ഇന്സ്പെക്ടര് ജനറല് ഓഫ് പോലീസ്, മലപ്പുറം ജില്ലാ പോലീസ് മേധാവി എന്നിവര്ക്ക് സ്ക്രീന്ഷോട്ടും പ്രൊഫെയില് സ്ക്രീന്ഷോട്ടും ലിങ്കും പരാതിയോടൊപ്പം നല്കിയിരുന്നു. നിലവില് അനസ് വിദേശത്താണ്. അതേസമയം, പ്രതിയുടെ രേഖാചിത്രം തയ്യാറാക്കിയത് ദൃക്സാക്ഷികളായ ഒമ്പതുപേരുടെ മൊഴിയുടെ അടിസ്ഥാനത്തിലായിരുന്നു. പിന്നീട് പ്രതിയെ പിടിച്ചതോടെ രേഖാചിത്രത്തെ ട്രോളുന്ന രീതിയില് പ്രചരണങ്ങള് നടന്നിരുന്നു. രണ്ടും ഏറെ വ്യത്യസ്തമാണെന്ന് പറഞ്ഞു ഒരു വിഭാഗം ആളുകള് രംഗത്തുവന്നതോടെ ഏറെ സാമ്യമുണ്ടെന്നു ചൂണ്ടിക്കാട്ടി മറ്റൊരു വിഭാഗവും രംഗത്തുവന്നിരുന്നു.
