കൊല്ക്കത്ത: കൊല്ക്കത്തയില് നടക്കുന്ന ഇന്ത്യയുടെ ആദ്യ ഡേ നൈറ്റ് ടെസ്റ്റില് കമന്ററി പറയാന് ധോണിയും.
സ്റ്റാര് സ്പോര്ട്സാണ് ബംഗ്ലാദേശിനെതിരായ ടെസ്റ്റില് ധോണി അടക്കമുളള ഇന്ത്യയുടെ മുന് ടെസ്റ്റ് നായകന്മാരെ ഗസ്റ്റ് കമന്റേറ്റര്മാരായി എത്തിക്കുന്നത്.
ടെസ്റ്റിന്റെ ആദ്യ രണ്ടു ദിവസം ഇന്ത്യയുടെ മുന് നായകന്മാരെയെല്ലാം ഇത്തരത്തില് കൊല്ക്കത്തയിലേക്ക് ക്ഷണിച്ചിട്ടുണ്ട്. ഡേ നൈറ്റ് ടെസ്റ്റിന് മുമ്പ് ഇന്ത്യന് താരങ്ങള്ക്കൊപ്പം മുന് ക്യാപ്റ്റന്മാരും ദേശീയഗാനം പാടാന് ഗ്രൗണ്ടിലിറങ്ങും.
ടെസ്റ്റിന്റെ മൂന്നാം ദിവസം ലഞ്ച് ബ്രേക്ക് സമയത്ത് ഇന്ത്യയുടെ ഐതിഹാസികമായ കൊല്ക്കത്ത ടെസ്റ്റ് വിജയത്തെ കുറിച്ച് ടീം അംഗങ്ങളായിരുന്ന വിവിഎസ് ലക്ഷ്മ്ണ്, സൗരവ് ഗാംഗുലി, ഹര്ഭജന് സിംഗ്, അനില് കുംബ്ലെ, രാഹുല് ദ്രാവിഡ് എന്നിവര് ഓര്മ്മകള് പങ്കുവെയ്ക്കുന്നത് സ്റ്റേഡിയത്തിലെ വലിയ സ്ക്രീനില് പ്രദര്ശിപ്പിക്കും.
