സംസ്ഥാനത്ത് ഇന്ന് 2655 പേര്ക്ക് കോവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയന് അറിയിച്ചു. രോഗം സ്ഥിരീകരിച്ചവരില് 2433 പേര്ക്കും സമ്പര്ക്കം വഴിയാണ് രോഗം പിടിപെട്ടത്. 61 ആരോഗ്യ പ്രവര്ത്തകര്ക്കും രോഗമുണ്ട്. സംസ്ഥാനത്ത് ഇന്ന് 2111 പേരാണ് രോഗമുക്തി നേടിയത്. 11 പേര് ഇന്ന് മരണപ്പെട്ടു.
കഴിഞ്ഞ 24 മണിക്കൂറിൽ 40,168 സാമ്പിളുകള് പരിശോധിച്ചതായും ഇപ്പോള് സംസ്ഥാനത്താകെ 21,800 കോവിഡ് ആക്ടീവ് കേസുകളാണുള്ളതെന്നും മുഖ്യമന്ത്രി അറിയിച്ചു.
ഇന്ന് രോഗം സ്ഥിരീകരിച്ചവരില് 38 പേര് വിദേശ രാജ്യങ്ങളില് നിന്നും 114 പേര് മറ്റ് സംസ്ഥാനങ്ങളില് നിന്നും വന്നതാണ്. 2433 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 220 പേരുടെ സമ്പര്ക്ക ഉറവിടം വ്യക്തമല്ല.
രോഗം സ്ഥിരീകരിച്ചവരുടെ ജില്ലതിരിച്ചുള്ള കണക്ക്
- തിരുവനന്തപുരം – 590
- കാസര്ഗോഡ് – 276
- മലപ്പുറം – 249
- കോഴിക്കോട് – 244
- കണ്ണൂര് – 222
- എറണാകുളം – 186
- കൊല്ലം – 170
- തൃശൂര് – 169
- പത്തനംതിട്ട – 148
- ആലപ്പുഴ – 131
- കോട്ടയം – 119
- പാലക്കാട് – 100
- ഇടുക്കി – 31
- വയനാട് – 20
ഓഗസ്റ്റ് 28ന് മരണമടഞ്ഞ തിരുവനന്തപുരം കിളിമാനൂര് സ്വദേശി വിജയകുമാര് (61), ഓഗസ്റ്റ് 31ന് മരണമടഞ്ഞ കണ്ണൂര് പുതിയങ്ങാടി സ്വദേശി അബ്ദുള് കരീം (78), തിരുവനന്തപുരം വെള്ളായണി സ്വദേശി മണിയന് നാടാര് (70), കൊല്ലം നടുവത്തൂര് സ്വദേശിനി ധന്യ (26), തൃശൂര് പൂങ്കുന്നം സ്വദേശി ധനലക്ഷ്മി (60), ഓഗസ്റ്റ് 30ന് മരണമടഞ്ഞ തിരുവനന്തപുരം പാലോട് സ്വദേശി വി.കെ. ദേവസ്യ (73), ഓഗസ്റ്റ് 17ന് മരണമടഞ്ഞ കാസര്ഗോഡ് തൃക്കരിപ്പൂര് സ്വദേശിനി ബീഫാത്തിമ (80), സെപ്റ്റംബര് ഒന്നിന് മരണമടഞ്ഞ കൊല്ലം ചെറിയവളനല്ലൂര് സ്വദേശിനി ആശ മുജീബ് (45), കൊല്ലം അഞ്ചല് സ്വദേശിനി അശ്വതി (25), കൊല്ലം ശാസ്താംകോട്ട സ്വദേശിനി സുധാകുമാരി (54), തിരുവനന്തപുരം വെള്ളറട സ്വദേശിനി ശ്യാമള (62) എന്നിവരാണ് മരണമടഞ്ഞത്. ഇതോടെ ആകെ മരണം 337 ആയി. ഇത് കൂടാതെ ഉണ്ടായ മരണങ്ങള് എന്ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.
രോഗമുക്തി നേടിയവരുടെ ജില്ലതിരിച്ചുള്ള കണക്ക്
- തിരുവനന്തപുരം – 512
- കൊല്ലം – 134
- പത്തനംതിട്ട – 140
- ആലപ്പുഴ – 32
- കോട്ടയം – 121
- ഇടുക്കി – 60
- എറണാകുളം – 128
- തൃശൂര് – 110
- പാലക്കാട് – 112
- മലപ്പുറം – 338
- കോഴിക്കോട് – 193
- വയനാട് – 29
- കണ്ണൂര് – 124
- കാസര്ഗോഡ് – 78
ഇതോടെ 21,800 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 62,559 പേര് ഇതുവരെ കൊവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 1,98,120 പേരാണ് ഇപ്പോള് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,80,898 പേര് വീട്/ഇന്സ്റ്റിറ്റിയൂഷണല് ക്വാറന്റീനിലും 17,222 പേര് ആശുപത്രികളിലും നിരീക്ഷണത്തിലാണ്. 2523 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
