കോഴിക്കോട്; പള്ളിമുറ്റത്ത് നാലു ദിവസം മാത്രം പ്രായമുള്ള കുട്ടിയെ ഉപേക്ഷിച്ച മാതാവ് അറസ്റ്റില്. കരിപ്പൂര് വിമാനത്താവളത്തിലെ ജീവനക്കാരിയായ 21 വയസുകാരിയെയാണ് പന്നിയങ്കര പൊലീസ് അറസ്റ്റുചെയ്തത്. കുഞ്ഞിന്റെ പിതാവും വിമാനത്താവളത്തിലെ ജീവനക്കാരനാണെന്ന് പൊലീസ് പറഞ്ഞു.
ദിവസങ്ങള്ക്കു മുന്പാണ് തിരുവണ്ണൂര് മാനാരിയിലെ പള്ളിക്കുമുന്നിലാണ് കുട്ടിയെ ഉപേക്ഷിച്ചത്. ‘ഈ കുഞ്ഞിന് നിങ്ങള് ഇഷ്ടമുള്ള പേരിടണം. അള്ളാഹു തന്നതാണെന്നു കരുതി നിങ്ങള് ഇതിനെ നോക്കണം. ഞങ്ങള്ക്കു തന്നത് അള്ളാഹുവിനു തന്നെ തിരികെ കൊടുക്കുന്നു. കുഞ്ഞിന് ബിസിജിയും പോളിയോ വാക്സിനും ഹെപ്പറ്റൈറ്റിസ് ബി1 വാക്സിനും കൊടുക്കണം’. എന്നെഴുതിയ ഒരു കുറിപ്പും കുഞ്ഞിനോടൊപ്പം വെച്ചിരുന്നു. തുടര്ന്ന് വനിതാ പൊലീസും ശിശുസംരക്ഷണ സമിതി പ്രവര്ത്തകരുമെത്തി കുഞ്ഞിനെ ഏറ്റെടുത്ത് കോട്ടപ്പറമ്പ് ജില്ലാ വനിതാ ശിശു ആശുപത്രിയിലേക്ക് എത്തിക്കുകയായിരുന്നു. വിഷയത്തില് കേസെടുത്ത പോലീസ് സമീപത്തെ കടകളിലെയും മറ്റും സിസിടിവി ദൃശ്യങ്ങള് ഉള്പ്പെടെ ശേഖരിച്ച് പരിശോദന നടത്തിയതിനെത്തുടര്ന്നാണ് മാതാവിനെ അറസ്റ്റ് ചെയ്തത്.
