കണ്ണൂർ: ബസില് കയറുന്നതിനിടെ റോഡിലേക്ക് വീണ് നെടുംപൊയിൽ വാരപീടികയിൽ ഗർഭിണി മരിച്ചു. പെരുംന്തോടിയിലെ കുരീക്കാട് മറ്റത്തിൽ ബിനുവിന്റെഭാര്യ ദിവ്യ(26) ആണ് മരണപ്പെട്ടത്. ആറുമാസം ഗർഭിണിയായിരുന്നു ദിവ്യ.
കണ്ണൂരിലെ മിംസ് ആശുപത്രിയിൽ നഴ്സായ ദിവ്യ ഇന്ന് രാവിലെ ഏഴുമണിയോടെ ജോലിസ്ഥലത്തേക്ക് പോകുന്നതിനായി ബസ് കയറുന്നതിനിടെ ആണ് അപകടം. ഉടനെ കണ്ണൂരിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. വസ്ത്രം കാലിൽ കുടുങ്ങി റോഡിൽ തലയടിച്ച് വീണതാണ് മരണകാരണമെന്നാണ് പ്രാഥമിക വിവരം.
