മലപ്പുറം: മഞ്ഞപ്പിത്തം ബാധിച്ച് ചികിത്സയിലായിരുന്ന ഒരാള് കൂടി മരിച്ചു. എടക്കര പഞ്ചായത്തിലെ ചെമ്പന്കൊല്ലി ചെരുവിളകത്ത് സലീമിന്റെ മകന് അബ്ദുല് റഹീമാണ് (32) മരിച്ചത്. മഞ്ഞപ്പിത്തം കരളിനെ ബാധിച്ചാണ് മരണം. ഇതോടെ വൈറല് ഹെപറ്റൈറ്റിസ് ബാധിച്ച് മരിച്ചവരുടെ എണ്ണം മൂന്നായി.
പോത്തുകല്ല്, എടക്കര പഞ്ചായത്തുകളിലാണ് വൈറല് ഹെപറ്റൈറ്റിസ് സ്ഥിരീകരിച്ചത്. 152 പേര്ക്ക് രോഗം ബാധിച്ചതായാണ് ആരോഗ്യവകുപ്പ് അറിയിക്കുന്നത്. 38 പേരെ ആശുപത്രിയില് പ്രവേശിപ്പിച്ചു.
പ്രദേശത്ത് ആറ് കിണറുകളില് പരിശോധിച്ചതില് മൂന്നെണ്ണത്തില് വെള്ളം ഉപയോഗശൂന്യമാണെന്ന് കണ്ടെത്തിയിരുന്നു. കിണറുകളിലെ വെള്ളം മൂന്ന് ദിവസത്തിലൊരിക്കല് ക്ലോറിനേറ്റ് ചെയ്ത് ശുചീകരിക്കാനുള്ള നടപടികളും ആരോഗ്യപ്രവര്ത്തകരുടെ നേതൃത്വത്തില് ആരംഭിച്ചു.
