കോഴിക്കോട്: പയ്യോളിക്കും വടകരക്കുമിടയില്‍ ട്രെയിന്‍ യാത്രക്കാരന് കുത്തേറ്റു. ആലപ്പുഴ – കണ്ണൂര്‍ എക്‌സിക്യൂട്ടീവ് എക്‌സ്പ്രസിലായിരുന്നു സംഭവം. കോച്ചിനുള്ളില്‍ സ്ത്രീകളെ ശല്യം ചെയ്തത് ചോദ്യം ചെയ്തയാള്‍ക്കാണ് കുത്തേറ്റത്. ഇന്നലെ രാത്രി പതിനൊന്നരക്കും പന്ത്രണ്ടിനുമിടയിലാണ് സംഭവം. അക്രമിയെ ആര്‍പിഎഫ് കസ്റ്റഡിയിലെടുത്തു. അക്രമി മദ്യ ലഹരിയിലായിരുന്നുവെന്ന് യാത്രക്കാര്‍ പറഞ്ഞു. മുറിവ് സാരമല്ലാത്തതിനാല്‍ കുത്തേറ്റ യാത്രക്കാരന്‍ കണ്ണൂരിലേക്ക് യാത്ര തുടര്‍ന്നു.

പാലി: രാജസ്ഥാനിലെ പാലിയിലെ ഗോറാം ഘട്ട് റെയില്‍വെ പാലത്തില്‍ ഫോട്ടോഷൂട്ട് നടത്തുന്നതിനിടെ ട്രെയിന്‍ വരുന്നത് കണ്ട് താഴേക്ക് ചാടിയ നവദമ്പതികള്‍ക്ക് ഗുരുതര പരിക്ക്. ഫോട്ടോഷൂട്ടിനിടെ എതിരെ നിന്ന് ട്രെയിന്‍ വന്നപ്പോഴാണ് ഭാര്യയും ഭര്‍ത്താവും 90 അടി താഴ്ചയിലേക്ക് ചാടിയത്. ഇരുവര്‍ക്കും ഗുരുതരമായി പരിക്കേല്‍ക്കുകയും ചെയ്തു.രാഹുല്‍ മേവാഡ(22) ഭാര്യ ജാന്‍വി(20) എന്നിവര്‍ക്കാണ് പരിക്കേറ്റത്. ട്രെയിന്‍ വരുന്ന സമയത്ത് ഇരുവരും വീഡിയോ ചിത്രീകരിക്കുകയായിരുന്നു. ട്രെയിന്‍ അവരുടെ അടുത്തേക്ക് എത്തുന്നത് ഇരുവരും അറിഞ്ഞിരുന്നില്ല. പെട്ടന്ന് ട്രെയിന്‍ വരുന്നത് കണ്ട് ഇവര്‍ താഴേക്ക് […]

കണ്ണൂര്‍: ആലപ്പുഴയില്‍ നിന്ന് കണ്ണൂരിലേക്കുള്ള എക്‌സിക്യൂട്ടീവ് എക്‌സ്പ്രസ് പയ്യോളി സ്റ്റേഷനില്‍ നിര്‍ത്താതെ പോയതില്‍ വിശദീകരണം തേടി റെയില്‍വെ. സംഭവത്തില്‍ ലോക്കോ പൈലറ്റടക്കമുള്ള ജീവനക്കാരോട് വിശദീകരണം നല്‍കാന്‍ നിര്‍ദേശിച്ചു. ഇന്നലെ രാത്രിയാണ് ആലപ്പുഴ-കണ്ണൂര്‍ എക്‌സിക്യൂട്ടീവ് എക്‌സ്പ്രസ് കോഴിക്കോട് പയ്യോളിയില്‍ നിര്‍ത്താതെ പോയത്. സ്റ്റേഷന്‍ പിന്നിട്ട വിവരം ശ്രദ്ധയില്‍പ്പെട്ടപ്പോള്‍ സ്റ്റേഷന്‍ ഇല്ലാത്ത ഇരിങ്ങല്‍ ഭാഗത്ത് ട്രെയിന്‍ നിര്‍ത്തി. ഇവിടെ കുറച്ച് യാത്രക്കാര്‍ ഇറങ്ങിയെങ്കിലും മറ്റുള്ള യാത്രക്കാര്‍ തയ്യാറായില്ല. പിന്നീട് അടുത്ത സ്റ്റേഷനായ വടകരയിലാണ് മറ്റുളളവര്‍ ഇറങ്ങിയത്. ഇവിടെ യാത്രക്കാര്‍ പ്രതിഷേധിച്ചു. […]

പെരുമണ്‍ തീവണ്ടി ദുരന്തത്തിന് ഇന്ന് 36 വയസ്. 105 ജീവനുകളാണ് അന്ന് കൊല്ലത്ത് അഷ്ടമുടിക്കായലിന്റെ ആഴങ്ങളില്‍ പൊലിഞ്ഞത്. 1988 ജൂലൈ എട്ടിനാണ് രാജ്യത്തെയാകെ ഞെട്ടിച്ച ആ ദുരന്തമുണ്ടാകുന്നത്. അഷ്ടമുടികായലിനു കുറുകെയുള്ള പെരുമണ്‍ റെയില്‍പാലത്തില്‍ വെച്ച് ബാംഗ്ലൂരില്‍ നിന്ന് തിരുവനന്തപുരത്തേക്ക് വരികയായിരുന്ന ഐലന്‍ഡ് എക്‌സ്പ്രസ് പാളം തെറ്റി. ഒന്‍പതു കോച്ചുകള്‍ കായലില്‍ പതിച്ചു.പതിനാലു കോച്ചുകള്‍ ഉണ്ടായിരുന്ന തീവണ്ടി പാളം തെറ്റുമ്പോള്‍, എഞ്ചിനും പാര്‍സല്‍ വാനും ഒരു സെക്കന്‍ഡ് ക്ലാസ് കമ്പാര്‍ട്ടുമെന്റും മാത്രമേ പാലം കടന്നിട്ടുണ്ടായിരുന്നുള്ളൂ. ഒന്‍പതു കോച്ചുകള്‍ ഒന്നിന് […]

കൊച്ചി: എറണാകുളത്ത് റെയില്‍വെ ട്രാക്കിലേക്ക് മരം ഒടിഞ്ഞുവീണു. ഇതേത്തുടര്‍ന്ന് ട്രെയിന്‍ ഗതാഗതം തടസ്സപ്പെട്ടു. സ്വകാര്യ വ്യക്തിയുടെ കേസില്‍ പെട്ടു കിടക്കുന്ന ഭൂമിയിലെ മരമാണ് പച്ചാളം ലൂര്‍ദ്ദ് ആശുപത്രി പരിസരത്തെ പാളത്തിലേക്ക് വീണത്. റെയില്‍വെയുടെ വൈദ്യുതി ലൈനില്‍ തട്ടി മരത്തിന് തീപിടിച്ചു. വലിയ ശബ്ദത്തോടെയാണ് മരം ഒടിഞ്ഞുവീണതെന്ന് ദൃക്‌സാക്ഷികള്‍ പറയുന്നു. എന്നാല്‍ അപായമൊന്നും ഉണ്ടായിട്ടില്ല. മഴയില്‍ മരം നനഞ്ഞിരുന്നതിനാല്‍ തീ ആളിക്കത്തിയില്ല. ട്രെയിന്‍ ഗതാഗതം താത്കാലികമായി നിര്‍ത്തിവച്ചിരിക്കുകയാണ്. വേണാട്, മംഗള എക്‌സ്പ്രസുകള്‍ പിടിച്ചിട്ടിട്ടുണ്ട്.

മലപ്പുറം: ട്രെയിന്‍ യാത്രയ്ക്കിടെ ബെര്‍ത്ത് പൊട്ടിവീണ് പൊന്നാനി സ്വദേശി മരിച്ചു. മാറഞ്ചേരി വടമുക്ക് പരേതനായ ഇളയേടത്ത് മാറാടിക്കല്‍ കുഞ്ഞിമൂസയുടെ മകന്‍ അലിഖാന്‍ (62) ആണ് മരിച്ചത്. ഈ മാസം പതിനെട്ടിന് രാത്രിയാണ് അപകടമുണ്ടായത്. ഡല്‍ഹിയിലേക്ക് പോകുകയായിരുന്നു അലിഖാന്‍. അദ്ദേഹം താഴത്തെ ബെര്‍ത്തിലായിരുന്നു കിടന്നിരുന്നത്. തെലങ്കാനയിലെ വാറങ്കലില്‍ വച്ച് മുകളിലത്തെ ബെര്‍ത്ത് ദേഹത്തേക്ക് വീഴുകയായിരുന്നു. ചരിഞ്ഞുകിടക്കുകയായിരുന്ന അലിഖാന്റെ കഴുത്തിനാണ് ഗുരുതരമായി പരിക്കേറ്റത്. അലിഖാന്റെ കഴുത്തിലെ മൂന്ന് എല്ലുകള്‍ പൊട്ടുകയും ഞരമ്പിന് ക്ഷതം സംഭവിക്കുകയും ചെയ്തു. കൂടാതെ കൈകാലുകള്‍ തളര്‍ന്നുപോയി. […]

കണ്ണൂര്‍: കേരളത്തിലൂടെ ഓടുന്ന ട്രെയിനുകള്‍ ഉള്‍പ്പെടെ ആറ് പ്രത്യേക ട്രെയിനുകളുടെ സര്‍വീസ് അവസാനിപ്പിക്കുന്നുവെന്ന് റെയില്‍വെ. നടത്തിപ്പ്-സുരക്ഷ പ്രശ്നങ്ങള്‍ എന്നി ചൂണ്ടിക്കാട്ടിയാണ് സര്‍വീസ് അവസാനിപ്പിക്കുന്നതെന്ന് ഉത്തരവില്‍ പറയുന്നു. ശനിയാഴ്ചകളില്‍ ഓടുന്ന മംഗളൂരു-കോയമ്പത്തൂര്‍-മംഗളൂരു പ്രതിവാര ട്രെയിന്‍ (06041/06042) ജൂണ്‍ എട്ടു മുതല്‍ 29 വരെയുള്ള സര്‍വീസാണ് നിര്‍ത്തിയത്. മേയ് 25, ജൂണ്‍ ഒന്ന് സര്‍വീസുകള്‍ നിലനിര്‍ത്തിയിട്ടുണ്ട്. മംഗളൂരു-കോട്ടയം-മംഗളുരു റൂട്ടിലെ പ്രത്യേക ട്രെയിന്‍ (06075/06076) റെയില്‍വെ നേരത്തേ റദ്ദാക്കിയിരുന്നു. ഒരു സര്‍വീസ് നടത്തിയ വണ്ടിയാണ് പൊടുന്നനെ നിര്‍ത്തിയത്. ഏപ്രില്‍ 20 മുതല്‍ […]