സ്‌കൂള്‍ കായികമേള; തിരുവനന്തപുരം മുന്നില്‍; തൊട്ടുപിന്നില്‍ കണ്ണൂരും തൃശൂരും
കൊച്ചി: സംസ്ഥാന സ്‌കൂള്‍ കായിക മേളയില്‍ 252 ഗെയിംസ് മത്സരങ്ങള്‍ പൂര്‍ത്തിയായപ്പോള്‍ തിരുവനന്തപുരം ജില്ല 643 പോയിന്റോടെ മുന്നിട്ടുനില്‍ക്കുന്നു. 316 പോയിന്റോടെ കണ്ണൂരാണ് നിലവില്‍ രണ്ടാംസ്ഥാനത്ത്. 295 പോയിന്റോടെ തൃശൂര്‍ മൂന്നാം സ്ഥാനത്ത് തുടരുന്നു. എറണാകുളം മഹാരാജാസ് സ്റ്റേഡിയം ഉള്‍പ്പെടെ ജില്ലയിലെ 17 വേദികളിലായി നടക്കുന്ന കായികമേളയില്‍ 24,000 മത്സരാര്‍ഥികളാണ് മാറ്റുരക്കുന്നത്. ടെന്നീസ് ,ടേബിള്‍ ടെന്നീസ് ,ബാഡ്മിന്റണ്‍, ജൂഡോ, ഫുട്ബോള് ത്രോ ബോള്‍ ,സോഫ്റ്റ് ബോള്‍ വോളിബോള്‍, ഹാന്‍ഡ് ബോള്‍, നീന്തല്‍ എന്നീ മത്സരങ്ങളും ആദ്യദിനം നടക്കുന്നത്.
