ക്വാറന്റൈന്‍ ലംഘിച്ച് മദ്യപിച്ച് നടന്ന ലോറി ഡ്രൈവര്‍മാരെ പിടികൂടി പോലീസ്. 14 ാം തിയ്യതി നാട്ടിലെത്തിയ ഇവര്‍ നാട്ടിലെത്തിയ ശേഷം ഒരു വര്‍ക്ക് ഷോപ്പ് കേന്ദ്രീകരിച്ച് മദ്യപിക്കുകയും നാട്ടിലൂടെ മുഴുവന്‍ കറങ്ങി നടക്കുകയുമായിരുന്നു. തുടര്‍ന്ന് നാട്ടുകാര്‍ പരാതി നല്‍കിയതിനെത്തുടര്‍ന്ന് പോലീസ് ഇടപെടുകയായിരുന്നു. എന്നാല്‍ ഇവര്‍ പോലീസിനെയും തെറിവിളിക്കുകയായിരുന്നു. തുടര്‍ന്ന് പോലീസ് ഇവരെ പിടിച്ച് ക്വാറന്റൈന്‍ സെന്ററിലാക്കുകയായിരുന്നു. ഇവര്‍ക്കെതിരെ കേസെടുത്തിട്ടുമുണ്ട്.

ഹോം ക്വാറന്റൈനിലുള്ളവരുടെ കരുതല്‍ ഏറെ പ്രധാനം കോവിഡ് 19ന്റെ ഒന്നാം ഘട്ടത്തിലും രണ്ടാം ഘട്ടത്തിലും സ്വീകരിച്ചതിനേക്കാള്‍ ജാഗ്രത മൂന്നാം ഘട്ടത്തില്‍ സ്വീകരിക്കണമെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍. ആദ്യത്തെ രണ്ട് ഘട്ടങ്ങളേക്കാള്‍ കുറേക്കൂടി പ്രയാസകരമായ ഒരു ഘട്ടമാണിത്. ആദ്യത്തെ രണ്ട് ഘട്ടങ്ങളിലേക്കാള്‍ വൈറസ് സാന്ദ്രത കൂടിയ ഇടങ്ങളില്‍ നിന്നാണ് ഇപ്പോള്‍ ആളുകള്‍ വരുന്നു എന്നത് രോഗപ്പകര്‍ച്ച കൂടാനുള്ള സാധ്യത വര്‍ധിപ്പിക്കുന്ന ഒന്നാണ്. മഹാരാഷ്ട്ര, തമിഴ്‌നാട്, ഗുജറാത്ത്, ഡല്‍ഹി എന്നീ സംസ്ഥാനങ്ങളില്‍ വൈറസിന്റെ വ്യാപനം വര്‍ധിച്ച് […]