കണ്ണൂര്‍: സി.പി.എം നേതാവ് പി. ജയരാജനെ പുകഴ്ത്തി കണ്ണൂരില്‍ ഫ്‌ലെക്‌സ്. ആര്‍.വി മെട്ട കക്കുന്നത്ത് ഭഗവതി ക്ഷേത്ര പരിസരത്താണ് ഫ്‌ലെക്‌സ് ബോര്‍ഡുകള്‍ പ്രത്യക്ഷപ്പെട്ടത്. തൂണിലും തുരുമ്പിലും ദൈവമുണ്ടെന്ന് പറയുന്നപോലെ ഈ മണ്ണിലും ജനമനസ്സിലും എന്നെന്നും നിറഞ്ഞുനില്‍ക്കും ഈ സഖാവ്… പി.ജെ… -എന്നാണ് പി. ജയരാജന്റെ വലിയ ചിത്രം ഉള്ള ഫ്‌ലെക്‌സില്‍ എഴുതിയിരിക്കുന്നത്. പാര്‍ട്ടി കോണ്‍ഗ്രസ് കഴിഞ്ഞ് പി. ജയരാജന്‍ ഇന്ന് നാട്ടിലേക്ക് മടങ്ങാനിരിക്കെയാണ് ഫ്‌ലെക്‌സുകള്‍ പ്രത്യക്ഷപ്പെട്ടിരിക്കുന്നത്. പി. ജയരാജനെ ഇത്തവണ കേന്ദ്ര കമ്മിറ്റിയില്‍ ഉള്‍പ്പെടുത്തുമെന്ന് അഭ്യൂഹമുണ്ടായിരുന്നു.