ഇന്ത്യ- പാക്കിസ്ഥാന്‍ അതിര്‍ത്തി പ്രദേശമായ കഠ്‌വയ്ക്കു സമീപം വെടിവച്ചിട്ട ഡ്രോണില്‍നിന്ന് ബോംബുകളും ഗ്രനേഡുകളും കണ്ടെടുത്തതായി റിപ്പോര്‍ട്ട്. അമര്‍നാഥ് യാത്ര മുന്‍നിര്‍ത്തി ആക്രമണം നടത്താനുള്ള പദ്ധതിയുടെ ഭാഗമാണിതെന്ന് പൊലീസ് വൃത്തങ്ങള്‍ പറഞ്ഞു. അതിര്‍ത്തി പ്രദേശത്ത് ദുരൂഹ സാഹചര്യത്തില്‍ ഡ്രോണ്‍ പറക്കുന്നതായി ശ്രദ്ധയില്‍പ്പെട്ട പൊലീസ് വെടിവെച്ചിടുകയായിരുന്നു. ഡ്രോണില്‍ നിന്ന് ബോംബുകളും ഗ്രനേഡുകളും കണ്ടെടുത്തിട്ടുണ്ട്. ഞായറാഴ്ച്ച പുലര്‍ച്ചെ രാജ്ബാഗ് പൊലീസ് സ്റ്റേഷന്‍ പട്രോളിംഗ് ടീമിന്റെ പതിവ് പരിശോധനയ്ക്കിടെയാണ് ദുരൂഹ സാഹചര്യത്തില്‍ ഡ്രോണ്‍ പറക്കുന്നത് ശ്രദ്ധയില്‍പ്പെട്ടത്. പൊലീസ് സംഘം ഉടന്‍തന്നെ ഇതു വെടിവച്ചിട്ടു. […]