സൈബീരിയ: ലോക ബോക്‌സിങ് ചാമ്പ്യന്‍ഷിപ്പില്‍ മെഡലുറപ്പിച്ച് മേരികോം. ചാമ്പ്യന്‍ഷിപ്പില്‍ സെമിഫൈനലില്‍ പ്രവേശിച്ചതോടെ ലോകചാമ്പ്യന്‍ഷിപ്പിലെ എട്ടാം മെഡലും മേരികോം സ്വന്തമാക്കുമെന്നുറപ്പായി. റിയോ ഒളിമ്പിക്‌സില്‍ വെങ്കലം നേടിയ കൊളംബിയയുടെ ഇന്‍ഗ്രിറ്റ് വലന്‍സിയയെ ആണ് ക്വാര്‍ട്ടറില്‍ മേരികോം തോല്‍പ്പിച്ചത്. 51 കിലോ വിഭാഗത്തിലെ മേരികോമിന്റെ ആദ്യ മെഡല്‍ കൂടിയാകും ഇത്. 51 കിലോ വിഭാഗത്തില്‍ 5-0ത്തിന് ആയിരുന്നു മേരികോമിന്റെ വിജയം. നേരത്തെ ഇന്തോനേഷ്യയില്‍ വെച്ചു നടന്ന പ്രെസിഡന്റ് കപ്പിലും ഗുവാഹത്തിയിലെ ഇന്ത്യ ഓപ്പണിലുംമാണ് അവര്‍ സ്വര്‍ണം നേടിയത്.