കുന്ദമംഗലം; കുന്ദമംഗലം റസിഡന്റ്സ് കോ-ഓര്ഡിനേഷനും വെള്ളിമാട്കുന്ന് ഫയര് ആന്റ് റെസ്ക്യൂ ഡിപ്പാര്ട്ട്മെന്റും സംയുക്തമായി ‘സുരക്ഷ 2019’ എന്ന പേരില് ബോധവല്ക്കരണ ക്ലാസും സന്നദ്ധസേനാ രൂപീകരണവും സംഘടിപ്പിക്കുന്നു. പി.ടി.എ റഹീം എംഎല്എ ചടങ്ങ് ഉദ്ഘാടനെ ചെയ്യും. സെപ്റ്റംബര് 14ാം തിയ്യതി കുന്ദമംഗലം ഹൈസ്കൂള് ഓഡിറ്റോറിയത്തില് രാവിലെ 9.30 ന് ആണ് പരിപാടി
നരിക്കുനി: നരിക്കുനി ഫയര്ഫോഴ്സ് ടീമിന് ഭയമില്ലാതെ ജോലി ചെയ്യാന് ആധുനിക രീതിയിലുള്ള ഫയര് ഫൈറ്റിംഗ് സ്യൂട്ട് ലഭ്യമായി.. തീപ്പിടുത്തം ഉള്പ്പെടെയുള്ള അപകടമേഖലകളില് കാര്യക്ഷമമായി പ്രവര്ത്തിക്കാനും അപകടങ്ങളില് നിന്ന് സ്വന്തം ജീവനെ സംരക്ഷിക്കാനും കഴിയുന്ന രീതിയിലുള്ള വസ്ത്രമാണ് സര്ക്കാര് അനുവദിച്ചത്. സ്വന്തം കെട്ടിടം ഉള്പ്പെടെ ഇല്ലാതെ പരിമിതികള്ക്കുള്ളില് പ്രവര്ത്തിക്കുന്ന നരിക്കുനി ഫയര് ഫോഴ്സിന് ആധുനിക രീതിയിലുള്ള ഫയര് ഫൈറ്റിംഗ് സ്യൂട്ട് അനുവദിച്ചത് രക്ഷാ പ്രവര്ത്തനങ്ങള്ക്ക് കൂടുതല് കരുത്തേകും. ജീവനക്കാരുടെ ശാരീരികമായ സുരക്ഷയ്ക്കായി വിദേശ രാജ്യങ്ങളില് ഫയര് ഫോഴ്സ് ഉപയോഗിക്കുന്ന […]
അടിവാരം: അടിവാരം പൊട്ടിക്കൈ പുഴയില് ഒഴുക്കില്പ്പെട്ട് യുവാവിനെ കാണാതായി. കോഴിക്കോട് ചേളാരി സ്വദേശി പ്രജീഷിനെയാണ് (ഉണ്ണി-30) കാണാതായത്. മുക്കം അഗ്നിരക്ഷാ സേനയും താമരശ്ശേരി പോലീസും നാട്ടുകാരും ചേര്ന്ന് തിരച്ചില് നടത്തിയെങ്കിലും ആളെ കണ്ടെത്താന് സാധിച്ചില്ല. ഇന്നും തിരച്ചില് തുടരുന്നുണ്ട്. അടിവാരം നോളജ് സിറ്റിയിലെ ജീവനക്കാരനാണ് പ്രജീഷ്. വൈകീട്ട് ഏഴ് മണിയോടെ കുളിക്കാന് ഇറങ്ങിയപ്പോള് അബദ്ധത്തില് ഒഴുക്കില്പ്പെടുകയായിരുന്നു.
മുക്കം: ദുരന്ത മേഖലകളിൽ രക്ഷാ പ്രവർത്തനത്തിന് സഹായിക്കാൻ മുക്കം അഗ്നിശമന സേന സന്നദ്ധ പ്രവർത്തകരെ തേടുന്നു . താത്പര്യമുള്ള ആളുകളെ ഉൾപ്പെടുത്തി കമ്മ്യൂണിറ്റി റസ്ക്യൂ വോളണ്ടിയർ ടീമുകൾ രൂപീകരിക്കണമെന്ന് ആവശ്യപ്പെട്ട് മുക്കം ഫയർ ഫോഴ്സ് മലയോര മേഖലയിലെ തദ്ദേശ സ്വയംഭരണ സ്ഥാപനങ്ങൾക്ക് മാസങ്ങൾക്ക് മുൻപ് കത്തു നൽകിയിരുന്നു. ദുരന്തം ഉണ്ടാകുമ്പോൾ ശാസ്ത്രീയ പരിശീലനം നേടിയ രക്ഷാപ്രവർത്തകരുടെ അഭാവം വലിയ പ്രതിസന്ധി സൃഷ്ടിക്കുന്നത് മറികടക്കാനാണ് അഗ്നിശമന സേനയുടെ പദ്ധതി. ഇങ്ങനെ രൂപീകരിക്കുന്ന റസ്ക്യൂ വോളണ്ടിയർ ടീമുകൾക്ക് ഘട്ടംഘട്ടമായി രക്ഷാപ്രവർത്തനത്തിൽ […]
