കര്‍ഷക പ്രക്ഷോഭം; സര്‍ക്കാര്‍ നയം പ്രധാനമന്ത്രി ഇന്ന് വ്യക്തമാക്കും
കര്‍ഷക പ്രക്ഷോഭത്തില്‍ പ്രധാനമന്ത്രി നരേന്ദ്ര മോദി ഇന്ന് കേന്ദ്ര സര്‍ക്കാരിന്റെ നയം വ്യക്തമാക്കും. വിഷയത്തില്‍ സുപ്രീംകോടതി ഇടപെടലിനു പിന്നാലെയാണ് പ്രധാനമന്ത്രി ഇന്ന് മധ്യപ്രദേശിലെ കര്‍ഷകരെ അഭിസംബോധന ചെയ്യുന്നത്. ഉച്ചയ്ക്ക് രണ്ടിന് വീഡിയോ കോണ്‍ഫറന്‍സിലൂടെയാകും പ്രധാനമന്ത്രി പങ്കെടുക്കുക. പുതിയ നിയമങ്ങള്‍ സംബന്ധിച്ച ആശങ്കകള്‍ പരിഹരിക്കാമെന്ന് വ്യക്തമാക്കി കേന്ദ്ര കൃഷിമന്ത്രി നരേന്ദ്ര സിംഗ് തോമര്‍ ഇന്നലെ കര്‍ഷകര്‍ക്ക് കത്ത് അയച്ചിരുന്നു. താങ്ങുവില നിര്‍ത്തലാക്കുന്ന തരത്തിലുള്ള പ്രചാരണങ്ങള്‍ വിശ്വസിക്കരുത്, ഇക്കാര്യത്തില്‍ രേഖാമൂലം ഉറപ്പ് നല്‍കാന്‍ സര്‍ക്കാര്‍ തയ്യാറാണെന്ന് തോമര്‍ കത്തില്‍ വ്യക്തമാക്കി. […]
