കൊച്ചി: ഹൈക്കോടതിയില്‍ റിപ്പബ്ലിക് ദിനത്തോട് അനുബന്ധിച്ച് അരങ്ങേറിയ നാടകത്തില്‍ രാജ്യത്തെയും പ്രധാനമന്ത്രിയെയും അപമാനിച്ചു എന്ന പരാതിയില്‍ ഉദ്യോഗസ്ഥര്‍ക്കെതിരെ നടപടി. അസി. രജിസ്ട്രാര്‍ ടിഎ സുധീഷ്, കോര്‍ട്ട് കീപ്പര്‍ പിഎം സുധീഷ് എന്നിവരെ അന്വേഷണ വിധേയമായി സസ്‌പെന്‍ഡ് ചെയ്തു. അസി. റജിസ്ട്രാര്‍ ടിഎ സുധീഷ് ആണ് നാടകം രചിച്ചത്. ലീഗല്‍ സെല്ലും ഭാരതീയ അഭിഭാഷക പരിഷത്തും നല്‍കിയ പരാതിയില്‍ ഹൈക്കോടതി ചീഫ് ജസ്റ്റിസാണ് ഇരുവരെയും സസ്‌പെന്‍ഡ് ചെയ്തത്. സംഭവം വിജിലന്‍സ് റജിസ്ട്രാര്‍ അന്വേഷിക്കും. ‘വണ്‍ നേഷന്‍, വണ്‍ വിഷന്‍, […]

കൊല്ലം: സംസ്ഥാന സ്‌കൂള്‍ കലോത്സവത്തിലെ നാടകം തികച്ചും അമ്പരപ്പിച്ചു. മലപ്പുറം അരിയല്ലൂര്‍ എം.വി എച്ച്.എസ്.എസ് അവതരിപ്പിച്ചത് ‘കരിന്തണ്ടന്‍’ നാടകമാണ്. ബ്രിട്ടീഷുകാര്‍ക്ക് വയനാട്ടിലേക്കുള്ള വഴികാണിച്ച കരിന്തണ്ടനെ ചതിച്ച് കൊലപ്പെടുത്തിയ ചരിത്രമാണ് മലപ്പുറം അരിയല്ലൂര്‍ എം.വി എച്ച്.എസ്.എസ് അവതരിപ്പിച്ചത്. ഹരിലാല്‍ ബത്തേരിയും നിരഞ്ജന്‍ പരപ്പനങ്ങാടിയും ചേര്‍ന്നാണ് നാടകത്തിന് സംവിധാനം നിര്‍വഹിച്ചത്. നിരഞ്ജന്‍ ആനന്ദ്, യു.വി. അനുഷേക്, അലിന്‍ഷ ഷാജി, ദേവിക, ഗായത്രി, ശിഖ, ശ്രീലക്ഷ്മി, മോനിഷ, ആര്യനന്ദ, ഹര്‍ഷ എന്നിവരായിരുന്നു അഭിനേതാക്കള്‍. കാടിനുള്ളിലെ നിധി കാണുമ്പോള്‍ കണ്ണ് മഞ്ഞളിക്കരുത്, വള്ളിയൂര്‍ […]

കൊച്ചിന്‍ കാര്‍ണിവലിനോട് അനുബന്ധിച്ച് നടത്താനിരുന്ന ഗവര്‍ണറും തൊപ്പിയും എന്ന നാടകം വിലക്കിയ നടപടി അംഗീകരിക്കാനാക്കിലെന്ന് നാടക പ്രവര്‍ത്തകര്‍. നാടകത്തിന് ഗവര്‍ണറുമായി ബന്ധമില്ലെന്ന് നടക് എറണാകുളം ജില്ലാ സെക്രട്ടറി ഷാബു കെ മാധവന്‍ അറിയിച്ചു. നാടകത്തില്‍ ഒരു മാറ്റവും വരുത്തില്ല. എന്തുകൊണ്ടാണ് വിലക്കെന്ന് ആര്‍ഡിഒയുടെ ഉത്തരവില്‍ വ്യക്തമല്ലെന്ന് നാടക് സമിതി ചൂണ്ടിക്കാണിക്കുന്നു. കോടതി അംഗീകാരത്തോടെ ഇതേ വേദിയില്‍ നാടകം എത്തിക്കുമെന്നും സമിതി വ്യക്തമാക്കി. ജര്‍മന്‍ കഥയുടെ പരിഭാഷ ആണ് നാടകമെന്നും സമിതി പറഞ്ഞു.