സര്വകലാശാല ചാന്സലര് പദവിയില് നിന്നും ഗവര്ണറെ നീക്കുന്ന ഓര്ഡിനന്സ് സര്ക്കാര് ഇന്നു തന്നെ രാജ്ഭവന് അയക്കും.ഓർഡിനൻസ് ഗവർണർ രാഷ്ട്രപതിക്ക് അയച്ചാലോ ഒപ്പിടാതെ നീട്ടി വെച്ചാലോ കോടതിയെ സമീപിക്കാൻ സർക്കാർ തീരുമാനിച്ചു.രാഷ്ട്രപതിക്ക് ഓർഡിനൻസ് അയച്ചാലും നിയമസഭയിൽ ബില്ല് കൊണ്ടുവരാമെന്ന് ഒരു വിഭാഗം നിയമ വിദഗ്ദ്ധർ സംസ്ഥാന സർക്കാരിനെ അറിയിച്ചു.അതേസമയം ഓര്ഡിനന്സ് ഗവര്ണര് വിശദോപദേശം തേടി രാഷ്ട്രപതിക്ക് അയച്ചാല് പിന്നീട് നിയമസഭയില് ബില് കൊണ്ടു വരുന്നതുമായി ബന്ധപ്പെട്ട് അവ്യക്തതയുണ്ട്. രാഷ്ട്രപതിക്ക് ഓര്ഡിനന്സ് അയച്ചാലും നിയമസഭയില് ബില് കൊണ്ടുവരാമെന്ന് ഒരു വിഭാഗം നിയമ വിദഗ്ദ്ധര് സംസ്ഥാന സര്ക്കാരിനെ അറിയിച്ചിട്ടുണ്ട്.
ചാന്സലര് സ്ഥാനത്ത് നിന്ന് ഗവര്ണറെ ഒഴിവാക്കിക്കൊണ്ടുള്ള ഓര്ഡിനന്സ് രണ്ട് ദിവസം മുന്പ് മന്ത്രിസഭ യോഗം പാസ്സാക്കിയിരുന്നു. എന്നാല് അത് ഇന്നലെ രാത്രി വരെ ഗവര്ണര്ക്ക് അയച്ചിരുന്നില്ല. ഓര്ഡിനന്സ് രാഷ്ട്രപതിക്ക് അയച്ചാല് നിയമസഭാ സമ്മേളനം വിളിച്ച് ചേര്ത്ത് ബില് പാസ്സാക്കാന് കഴിയുമോയെന്ന ചോദ്യം ഉയര്ന്നത് കൊണ്ടായിരുന്നു ഇത് അയക്കാതിരുന്നത് എന്നാണ് വിവരം.
