സ്വർണക്കടത്തു കേസില് സംസ്ഥാനത്തിനുവേണ്ടി ഹാജരാകുന്ന മുതിർന്ന അഭിഭാഷകൻ കപിൽ സിബലിനായി സർക്കാർ നൽകുന്ന ഫീസ് 15.5 ലക്ഷം രൂപ.കേസിന്റെ വിചാരണ ബെംഗളൂരുവിലേക്ക് മാറ്റണമെന്ന് ആവശ്യപ്പെട്ട് ഇഡി നല്കിയ ട്രാന്സ്ഫര് ഹര്ജിയില് സംസ്ഥാന സര്ക്കാരിന്റെ സീനിയര് അഭിഭാഷകന് കപില് സിബലിന് ഓരോ തവണ ഹാജരാകുമ്പോഴും നല്കുന്ന ഫീസാണിത്.ഇഡിയുടെ ഹര്ജി പരിഗണിച്ച ഒക്ടോബര് പത്തിന് സുപ്രീംകോടതിയില് ഹാജരായ സിബലിന് 15.5 ലക്ഷം രൂപ കൈമാറാനുള്ള ഉത്തരവ് സംസ്ഥാന നിയമസെക്രട്ടറി വി.ഹരി നായര് പുറത്തിറക്കി. ഈ തുക സിബലിന് കൈമാറാനുള്ള തുടര് നടപടികള് സ്വീകരിക്കാന് അഡ്വക്കേറ്റ് ജനറലിനോട് ഉത്തരവില് നിര്ദേശിച്ചിട്ടുണ്ട്.ഇഡിയുടെ ഹർജി നവംബർ മൂന്നിനു സുപ്രീംകോടതി വീണ്ടും പരിഗണിക്കും.വിചാരണ ബെംഗളൂരുവിലേക്കു മാറ്റണമെന്ന് ജൂലൈയിലാണ് ഇഡി ആവശ്യപ്പെട്ടത്. ഇഡി ഫയൽ ചെയ്ത ട്രാന്സ്ഫർ പെറ്റീഷനിൽ സരിത്, സന്ദീപ്, സ്വപ്ന എന്നിവരാണ് എതിർ കക്ഷികൾ.
സ്വർണക്കടത്ത് കേസിനായി ഒരു തവണ ഹാജരാകുന്നതിന് കപിൽ സിബലിന് സർക്കാർ നൽകുക 15.5 ലക്ഷം
