കുന്ദമംഗലം : സദയം ചാരിറ്റബിൾ ട്രസ്റ്റ് ഡോ. സായ് മെഡ് സ്റ്റാർ ഹോമിയോപ്പതി മൾട്ടി സ്പെഷ്യാലിറ്റി ക്ലിനിക്കുമായി ചേർന്ന് സൗജന്യ ഹോമിയോ മെഡിക്കൽ ക്യാമ്പ് നടത്തി. ഗ്രാമപഞ്ചായത്ത് പ്രസിഡണ്ട് ലിജി പുൽക്കുന്നുമ്മൽ ഉദ്ഘാടനം ചെയ്തു. ട്രസ്റ്റ് ചെയർമാൻ എം.കെ. രമേഷ് കുമാർ അധ്യക്ഷത വഹിച്ചു.
ഡോ. സായ് മെഡ് സ്റ്റാർ ക്ലിനിക് എംഡി ഡോ. സായ് പ്രിയ, ഡോ. അശ്വതി, സദയം വർക്കിംഗ് ചെയർമാൻ സർവ്വദമനൻ കുന്ദമംഗലം, ജനറൽ സെക്രട്ടറി എം.കെ.ഉദയകുമാർ,രക്ഷാധികാരി പ്രമീളനായർ പ്രസംഗിച്ചു. സൗജന്യ കണ്ണ്, പ്രമേഹം പരിശോധന, സമ്പൂർണ ഹെൽത്ത് ചെക്കപ്പ്, മരുന്ന് വിതരണം എന്നിവ നടന്നു. തുടർ ചികിൽക്ക് മുപ്പത് ശതമാനം ഇളവ് നൽകുന്ന പ്രിവിലേജ് കാർഡും നൽകി.
