തിരുവനന്തപുരം: കോഴ ആരോപണം നിഷേധിച്ച് തോമസ് കെ. തോമസ്. ആരോപണങ്ങള് അടിസ്ഥാനരഹിതമാണെന്നും മന്ത്രിയാകും എന്ന് കണ്ടതോടെയാണ് ആരോപണങ്ങള് ഉയര്ന്നു വന്നതെന്നും തോമസ് കെ. തോമസ് പറഞ്ഞു.
താന് അജിത് പവാറിനൊപ്പം നിന്നിട്ടില്ലെന്നും ശരത് പവാറിനൊപ്പമാണെന്നും അദ്ദേഹം പറഞ്ഞു. തന്നെയും ശശീന്ദ്രനെയും അജിത് പവാറിന് വേണ്ടെന്നും തോമസ് മാധ്യമങ്ങളോട് പറഞ്ഞു.
ആരോപണങ്ങള്ക്ക് കോവൂര് കുഞ്ഞുമോന് ശക്തമായ മറുപടി പറഞ്ഞിട്ടുണ്ട്. എല്ലാവരുടെയും വാ അടയാന് ആ ഒരു മറുപടി മതി. തോമസ് കൂട്ടിച്ചേര്ത്തു. ആരോപണങ്ങള്ക്കു പിന്നില് ആന്റണി രാജുവാണെന്നും തോമസ് ആരോപിച്ചു. ജനാധിപത്യ കേരള കോണ്ഗ്രസിന് കുട്ടനാട് സീറ്റ് കൈവശപ്പെടുത്താന് വേണ്ടിയാണ് ഇത്തരം പ്രവര്ത്തികള് നടക്കുന്നതെന്നും അദ്ദേഹം ആരോപിച്ചു.
താന് മന്ത്രിയാകില്ലെന്ന് ആന്റണി രാജു പറഞ്ഞിട്ടില്ല. ആന്റണി രാജു മുഖ്യമന്ത്രിയെ തെറ്റിധരിപ്പിച്ചു. മുഖ്യമന്ത്രി നല്ല മനുഷ്യനാണ്. മുഖ്യമന്ത്രിയില് പരിപൂര്ണ വിശ്വാസം. കോഴ ആരോപണം കെട്ടിചമച്ച കഥയാണ്. സമഗ്ര അന്വഷണം വേണമെന്ന് തോമസ് പറഞ്ഞു.
