ഈ വര്ഷത്തെ കുട്ടികളുടെ കണക്കെടുപ്പിനുശേഷമുള്ള പ്രാഥമിക വിലയിരുത്തലിൽ കേരളത്തിലെ പൊതുവിദ്യാലയങ്ങളില് ഒന്നു മുതല് പത്തുവരെ ക്ലാസുകളില് ഈ അധ്യയന വര്ഷം (2020-21) പുതുതായി 1.75 ലക്ഷം കുട്ടികള് പ്രവേശനം നേടി.
കൈറ്റ് തയ്യാറാക്കിയ ‘സമ്പൂര്ണ’ സ്കൂള് മാനേജ്മെന്റ് പോര്ട്ടല് വഴി ഡിസംബര് 28 വരെ രേഖപ്പെടുത്തിയ കണക്കുകളാണിത്. ഈ വര്ഷത്തെ പ്രവേശന നടപടികള് പൂര്ത്തിയാകുമ്പോള് കുട്ടികളുടെ എണ്ണത്തില് ഇനിയും വര്ധനയുണ്ടാകും.പൊതുവിദ്യാഭ്യാസ സംരക്ഷണയജ്ഞം നടപ്പാക്കാന് തുടങ്ങിയ ശേഷം നാലു വര്ഷത്തിനുള്ളില് 6.8 ലക്ഷം കുട്ടികളാണ് പൊതുവിദ്യാഭ്യാസ മേഖലയില് പുതുതായി വന്നത്.
ഈ വര്ഷം ഒന്നാം ക്ലാസില് മാത്രം 8170 കുട്ടികള് മുന് വര്ഷത്തേക്കാള് കൂടുതലായി പ്രവേശനം നേടിയത് . മുന്വര്ഷത്തേക്കാള് 43,789 കുട്ടികള് ചേര്ന്നത് അഞ്ചാം ക്ലാസിൽ
35,606 കുട്ടികളാണ് എട്ടാം ക്ലാസില് അധികമായി വന്നത്. സര്ക്കാര്-എയ്ഡഡ് മേഖലയില് 1,75,074 കുട്ടികള് അധികമായി പ്രവേശനം നേടി. ഈ മേഖലയില് 33,75,304 ലക്ഷം കുട്ടികളാണ് ഇപ്പോഴുള്ളത്.
മൊത്തം കുട്ടികളുടെ എണ്ണത്തിലും കഴിഞ്ഞ വര്ഷത്തേക്കാള് 47,760 പേരുടെ വര്ധനയുണ്ടായി. അതേസമയം അണ്-എയ്ഡഡ് വിദ്യാലയങ്ങളില് മൊത്തം വിദ്യാര്ത്ഥികളുടെ എണ്ണത്തില് 91,510 പേരുടെ കുറവുണ്ടായി.
പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി സ്കൂളുകളില് മികച്ച അടിസ്ഥാന സൗകര്യം ഏര്പ്പെടുത്തുകയും പഠന നിലവാരം ഉയര്ത്തുകയും ചെയ്തതിന്റെ ഫലമാണ് കുട്ടികളുടെ എണ്ണം കൂടാന് കാരണമെന്ന് മുഖ്യമന്ത്രി പിണറായി വിജയന് പറഞ്ഞു.
