മൈസൂരിലേക്ക് യാത്ര ചെയ്യുന്നവര് വയനാട് വഴിയുള്ള യാത്ര ഒഴിവാക്കി ഇരിട്ടി- കൂട്ടുപുഴ റോഡ് വഴി യാത്ര ചെയ്യണമെന്ന് കണ്ണൂര് ജില്ലാ ഭരണകൂടം അറിയിച്ചു. വയനാട് വഴി പോകുന്നതിന് പകരം ഇരിട്ടി- കൂട്ടുപുഴ റോഡ് വഴി യാത്ര ചെയ്യണമെന്നാണ് നിര്ദേശം.ചുരത്തില് ഗതാഗത തടസമുണ്ടാകാതിരിക്കാനും മുണ്ടക്കൈ രക്ഷാപ്രവര്ത്തന സാമഗ്രികള് എത്തിക്കുന്നതിനും ചുരത്തിലൂടെ സഞ്ചാര പാതയൊരുക്കാനാണ് ഗതാഗത നിയന്ത്രണമേര്പ്പെടുത്തിയത്.
വയനാട് ഉരുള്പൊട്ടലിന്റെ പശ്ചാത്തലത്തില് താമരശ്ശേരി ചുരം വഴി അത്യാവശ്യ വാഹനങ്ങള്ക്ക് ഒഴികെ മറ്റുള്ള വാഹനങ്ങള്ക്ക് കഴിഞ്ഞ ദിവസം മുതല് തന്നെ നിയന്ത്രണം ഏര്പ്പെടുത്തിയിരുന്നു. അതേസമയം താമരശേരി ചുരം പാതയില് രണ്ടാം വളവിന് താഴെ പത്ത് മീറ്ററിലധികം നീളത്തില് കഴിഞ്ഞ ദിവസം രാത്രി വിള്ളല് പ്രത്യക്ഷപ്പെട്ടിരുന്നു. തുടര്ന്ന് ഭാരവാഹനങ്ങള്ക്ക് നിയന്ത്രണം ഏര്പ്പെടുത്തി.
