തിരുവനന്തപുരം: സിപിഐ സംസ്ഥാന സെക്രട്ടറി കാനം രാജേന്ദ്രന് അവധിയില് പോകുന്ന ഒഴിവില് സംസ്ഥാന സെക്രട്ടറി പദവിയിലേക്ക് പകരക്കാരനെ നിയോഗിക്കുന്ന കാര്യത്തില് തീരുമാനമായില്ല. ആരോഗ്യപരമായ കാരണങ്ങളാല് മൂന്ന് മാസത്തേക്ക് സെക്രട്ടറി സ്ഥാനത്ത് അവധി നല്കണമെന്ന അദ്ദേഹത്തിന്റെ ആവശ്യത്തില് ഇന്ന് ചേര്ന്ന സംസ്ഥാന നിര്വാഹക സമിതി യോഗം തീരുമാനമെടുത്തില്ല. ദേശീയ നേതൃത്വം അവധി കാര്യത്തില് അന്തിമ തീരുമാനമെടുക്കുമെന്ന് സിപിഐ നേതൃത്വം അറിയിച്ചു.
ആരോഗ്യ പ്രശ്നങ്ങള് മൂലം ഏറെ നാളായി പാര്ട്ടിയുടെ സജീവ പ്രവര്ത്തനങ്ങളില് നിന്ന് മാറി നില്ക്കുന്ന കാനം രാജേന്ദ്രന് കാല്പ്പാദം മുറിച്ച് മാറ്റിയതിനെ തുടര്ന്നാണ് അവധി അപേക്ഷ നല്കിയത്. മൂന്ന് മാസത്തെ അവധി ആവശ്യപ്പെട്ടുകൊണ്ടുളള കത്ത് സംസ്ഥാന-ദേശീയ നേതൃത്വത്തിന് കൈമാറിയിരുന്നു.
