വാളയാര് കേസില് പ്രതിഷേധം ശക്തമായതിനെത്തുടര്ന്ന് സര്ക്കാറിനോട് റിപ്പോര്ട്ട് തേടി ഗവര്ണര്. കേസില് കുടുംബത്തിന് നീതി ഉറപ്പാക്കുമെന്ന് വ്യക്തമാക്കിയ ഗവര്ണര് വിശദമായ അന്വേഷണം നടക്കുന്നതായി സര്ക്കാര് തന്നെ അറിയിച്ചിട്ടുണ്ടെന്നും പറഞ്ഞു.
കേസില് സാമൂഹ്യ മാധ്യമങ്ങളിലും മറ്റും പോലീസിനെതിരെ പ്രതിഷേധം ശക്തമായതിനെത്തുടര്ന്ന് സര്ക്കാര് തുടരന്വേഷണത്തിനും പുനര്വിചാരണയ്ക്കും അനുവാദം തേടി ഹൈക്കോടതിയില് ഹര്ജി സമര്പ്പിക്കും. നിശ്ചിത സമയത്തിനുള്ളില് അന്വേഷണം പൂര്ത്തിയാക്കി അധിക കുറ്റപത്രം സമര്പ്പിക്കുകയാണ് ഉദ്ദേശ്യം.
വാളയാര് കേസില് പ്രതികള് രക്ഷപെടാന് കാരണം കേസ് അന്വേഷണത്തില് വന്ന വീഴ്ചയും പരാജയപെട്ട പ്രോസിക്യൂഷനും ആണ്. ഇത് മറികടന്നു പ്രതികളെ വീണ്ടും നിയമത്തിനു മുന്നില് എത്തികാണാനാണ് കേസില് തുടരന്വേഷണം നടത്താന് സര്ക്കാര് തീരുമാനിച്ചിരിക്കുന്നത്.
