ന്യൂഡല്ഹി: ഡല്ഹിയില് മഴക്കെടുതിയില് മരിച്ചവരുടെ എണ്ണം 11 ആയി ഉയര്ന്നു. പുതിയതായി ആറ് മരണങ്ങള് കൂടി സ്ഥിരീകരിച്ചതോടെയാണ് തലസ്ഥാത്ത് മഴക്കെടുതിയില് മരിച്ചവരുടെ എണ്ണം പതിനൊന്നായി ഉയര്ന്നത്.
അടുത്ത രണ്ട് ദിവസത്തേക്ക് കനത്ത മഴയ്ക്ക് സാധ്യതയുള്ളതിനാല് ഡല്ഹിയില് ഓറഞ്ച് അലര്ട്ട് പ്രഖ്യാപിച്ചു. വെള്ളിയാഴ്ച രാവിലെയാണ് ഡല്ഹിയില് ശക്തമായ മഴ തുടങ്ങിയത്. അതിശക്തമായ മഴയില് ഡല്ഹിയിലും പരിസര പ്രദേശങ്ങളിലും വെള്ളക്കെട്ടും ഗതാഗത തടസവും നേരിട്ടിരുന്നു. ചൊവ്വാഴ്ച വരെയാണ് ഓര്ഞ്ച് അലര്ട്ട് പ്രഖ്യാപിച്ചിരിക്കുന്നത്.
