പോപ്പുലർ ഫ്രണ്ട് ആഹ്വാനം ചെയ്ത മിന്നൽ ഹർത്താലിലെ അക്രമ സംഭവങ്ങളിൽ, കേരളത്തിലെ മുഴുവൻ കേസുകളിലും പിഎഫ്ഐ സംസ്ഥാന സെക്രട്ടറി അബ്ദുൾ സത്താറിനെ പ്രതിയാക്കാൻ സർക്കാരിനോട് ഹൈക്കോടതി,ഹര്ത്താലിനിടെയുണ്ടായ അക്രമ സംഭവങ്ങളില് ഉണ്ടായ നഷ്ടപരിഹാരത്തുക കെട്ടിവച്ചാല് മാത്രം പ്രതികള്ക്ക് ജാമ്യം നല്കിയാല് മതി. അല്ലെങ്കില് സ്വത്ത് കണ്ടുകെട്ടല് അടക്കമുള്ള നടപടികള് സ്വീകരിക്കും. ഇക്കാര്യം സംബന്ധിച്ച് എല്ലാ മജിസ്ട്രേറ്റ് കോടതികള്ക്കും നിര്ദേശം നല്കുമെന്ന് ഹൈക്കോടതി ഡിവിഷന് ബെഞ്ച് വ്യക്തമാക്കി.ഹർത്താലിൽ ജനങ്ങൾക്ക് ജീവിക്കാൻ കഴിയാത്ത സാഹചര്യമെന്ന് വിലയിരുത്തിയാണ് ഡിവിഷൻ ബെഞ്ച് സുപ്രധാന ഉത്തരവ് പുറപ്പെടുവിച്ചത്. ഹര്ത്താലില് അഞ്ച് കോടിക്ക് മേല് നഷ്ടം സംഭവിച്ചതായും ഇത് ഹര്ത്താല് അനുകൂലികളില് നിന്ന് ഈടാക്കി നല്കണമെന്ന് ആവശ്യപ്പെട്ട് കെഎസ്ആര്ടിസി അടക്കം കോടതിയെ സമീപിച്ചിരുന്നു.കേസുമായി ബന്ധപ്പെട്ട് അബ്ദുല് സത്താറിനെ പൊലീസ് കഴിഞ്ഞ ദിവസം അറസ്റ്റ് ചെയ്തിരുന്നു. കൊല്ലം കരുനാഗപ്പള്ളി പുതിയകാവിന് സമീപം പോപ്പുലര് ഫ്രണ്ടിന്റെ ദക്ഷിണ മേഖല ഓഫീസില് നിന്നാണ് അദ്ദേഹത്തെ പൊലീസ് അറസ്റ്റ് ചെയ്തിരുന്നത്.
പോപ്പുലർ ഫ്രണ്ട് ഹർത്താൽ ആഹ്വാനം;സംസ്ഥാന സെക്രട്ടറി എല്ലാ കേസിലും പ്രതിയാകും
