ഭരണഘടനയും നിയമവും അനുസരിച്ചു മാത്രമേ തനിക്കു മുന്നിലെത്തുന്ന ഏതു കടലാസിലും ഒപ്പിടൂവെന്ന് ഗവര്ണര് ആരിഫ് മുഹമ്മദ് ഖാന്. തന്നെ സമ്മര്ദ്ദത്തിലാക്കാന് ആര്ക്കും കഴിയില്ലെന്നും ഗവര്ണര് പറഞ്ഞു.
ഗവര്ണര്ക്കെതിരെയുള്ള സിപിഎം വിമര്ശനത്തെക്കുറിച്ച് പ്രതികരിക്കുകയായിരുന്നു അദ്ദേഹം.
ജനാധിപത്യത്തില് ആര്ക്കും ആരെയും വിമര്ശിക്കാം. പക്ഷേ എന്നെ സമ്മര്ദ്ദത്തിലാക്കാനാവില്ല. നിയമസഭയെ ബഹുമാനിക്കുന്നു. ഭരണഘടനയും നിയമവും അനുസരിച്ചു മാത്രമേ തനിക്കു മുന്നിലെത്തുന്ന ഏതു കടലാസിലും ഒപ്പിടൂ. കണ്ണൂര് വിസിക്കെതിരായ പരാതിയില് മെറിറ്റിന്റെ അടിസ്ഥാനത്തില് മാത്രമാവും തീരുമാനമെന്നും അദ്ദേഹം പറഞ്ഞു.
ലോകായുക്ത നിയമഭേദഗതി ബില് നാളെ നിയമസഭയുടെ പരിഗണനയില് എത്താനിരിക്കെയാണ് ഗവര്ണറുടെ പരാമര്ശം. വൈസ് ചാന്സലര് നിര്ണയത്തില് ഗവര്ണറുടെ അധികാരം കുറക്കുന്ന ബില് വ്യാഴാഴ്ച പരിഗണിക്കും.
