കൊച്ചി: കളമശ്ശേരി പോളിടെക്നിക് കഞ്ചാവ് കേസില് നാല് വിദ്യാര്ഥികളെ കോളേജ് പുറത്താക്കി. ആകാശ്, ആദിത്യന്, അഭിരാജ്, അനുരാജ് എന്നീ വിദ്യാര്ഥികളെയാണ് പുറത്താക്കിയത്. ആഭ്യന്തര അന്വേഷണ സമിതിയുടെ റിപ്പോര്ട്ടിന്റെ അടിസ്ഥാനത്തിലാണ് തീരുമാനം.
ഒരു മാസംമുമ്പാണ് പോളിയില് നാല് വിദ്യാര്ഥികളെയും പൂര്വവിദ്യാര്ഥികളേയും കഞ്ചാവുമായി പിടികൂടിയത്. കഞ്ചാവ് സൂക്ഷിക്കുക മാത്രമല്ല, വിദ്യാര്ഥികള്ക്കിടയില് വില്പ്പന നടത്തിയെന്നും കണ്ടെത്തിയിരുന്നു. അന്ന് തന്നെ ആഭ്യന്തര അന്വേഷണം ആരംഭിച്ചിരുന്നു.
തുടര്ന്ന് റിപ്പോര്ട്ട് സമര്പ്പിച്ചതിന്റെ അടിസ്ഥാനത്തിലാണ് നടപടി. വിദ്യാര്ഥികള്ക്ക് സ്വഭാവ സര്ട്ടിഫിക്കറ്റ് നല്കില്ലെന്നും കോളേജ് അധികൃതര് പറയുന്നു.
നേരത്തെ, കോടതി അനുമതിയോടെ വിദ്യാര്ഥികളെ പരീക്ഷയെഴുതാന് പൊലീസ് അനുവദിച്ചിരുന്നു. പരീക്ഷാഫലം തടഞ്ഞുവയ്ക്കുന്ന കാര്യത്തില് ഉടന് തീരുമാനമുണ്ടാകുമെന്നാണ് കോളേജ് അധികൃതര് പറയുന്നത്.
