പാലക്കാട് മണ്ണാര്ക്കാട് പള്ളികുറുപ്പില് ഭര്ത്താവ് ഭാര്യയെ വെട്ടിക്കൊന്നു. പള്ളികുറുപ്പ് സ്വദേശി ദീപികയാണ് കൊല്ലപ്പെട്ടത്. ഭര്ത്താവ് അവിനാശ് പോലീസ് കസ്റ്റഡിയില്. ഇന്ന് രാവിലെയാണ് കൊലപാതകം നടന്നത്.
കരച്ചില് കേട്ട് അയല്വാസികള് എത്തിയപ്പോള് ദീപിക വെട്ടേറ്റ് വീണു കിടക്കുകയായിരുന്നു എന്ന് പൊലീസ് പറയുന്നു. ഒന്നര വയസുകാരന് ഐവിന് അമ്മയെ കെട്ടിപ്പിടിച്ച് കരയുകയായിരുന്നു. കൊടുവാളുമായി സമീപത്ത് തന്നെ ഭര്ത്താവ് അവിനാശുമുണ്ടായിരുന്നു. ആളുകള് എത്തിയതോടെ കടന്നുകളയാന് അവിനാശ് നടത്തിയ ശ്രമം നാട്ടുകാര് തടയുകയായിരുന്നുവെന്നും പൊലീസ് പറയുന്നു.
സംഭവത്തില് ഭര്ത്താവ് അവിനാശിനെ പോലീസ് കസ്റ്റഡിയിലെടുത്തു. കുടുംബപ്രശ്നങ്ങളാണ് കൊലപാതകത്തിലേക്ക് നയിച്ചതെന്നാണ് പോലീസിന്റെ പ്രാഥമിക നിഗമനം. ഇവര് തമ്മില് തര്ക്കം പതിവായിരുന്നു. അവിനാശിന് മാനസിക പ്രശ്നങ്ങള് ഉണ്ടായിരുന്നതായും നാട്ടുകാര് പറയുന്നു. ദമ്പതികള്ക്ക് ഒന്നരവയസുള്ള മകനുണ്ട്. മൃതദേഹം ആശുപത്രിയിലേക്കു മാറ്റി. മണ്ണാര്ക്കാട് പോലീസ് കേസെടുത്ത് അന്വേഷണം ആരംഭിച്ചു.
