സാഹിത്യപ്രവർത്തക സഹകരണ സംഘം പ്ലാറ്റിനം ജൂബിലിയുടെ ഭാഗമായി നാഷണൽ ബുക്ക് സ്റ്റാൾ സമ്പാദ്യ പദ്ധതി ആരംഭിച്ചു. കൂടുതൽ വായനക്കാരെ കണ്ടെത്തുക എന്ന ഉദ്ദേശത്തോടെ ആരംഭിച്ച പദ്ധതിയുടെ പേര് പുസ്തക സമ്പാദ്യപദ്ധതി ( ബിസ് 33) എന്നാണ്. പദ്ധതി പ്രകാരം 500 രൂപ വീതം 10 മാസം തവണകളായി അടയ്ക്കുമ്പോൾ 5000 രൂപയ്ക്ക് 7500 രൂപയുടെ പുസ്തകങ്ങൾ ലഭിക്കും.
എൻ ബി എസ്സിൻ്റെ പുസ്തകങ്ങൾക്ക് പുറമേ മറ്റ് പ്രസാധകരുടെ പുസ്തകങ്ങളും ലഭിക്കും. എല്ലാ മാസവും 15 നു മുമ്പായി പണം അടക്കുന്ന നമ്പറുകൾ നറുക്കിട്ടെടുത്ത് പദ്ധതി കാലയളവിൽ രണ്ടു തവണ അഞ്ചുപേർക്ക് വീതം 1000 രൂപയുടെ പുസ്തകങ്ങൾ സമ്മാനമായി നൽകും. പുസ്തകങ്ങൾ തെരഞ്ഞെടുക്കുന്നതിനും സൗകര്യമുണ്ട് . 2021 മാർച്ചിൽ ഈ പദ്ധതി അവസാനിക്കും. കൂടുതൽ വിവരങ്ങൾക്ക് 0495 2702568, 9895385274, 9400614165.
