സംസ്ഥാനത്ത് ശക്തമായ മഴ തുടരാന് സാധ്യത. തെക്കന് കേരളത്തിലും മധ്യകേരളത്തിലും മഴകനക്കാന് സാധ്യതയെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി. തിരുവനന്തപുരം മുതല് തൃശ്ശൂര് വരെയുള്ള ജില്ലകളില് യെല്ലോ അലര്ട്ട് പ്രഖ്യാപിച്ചു.
കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലാണ് ഇന്ന് യെല്ലോ മുന്നറിയിപ്പ് നല്കിയിരിക്കുന്നത്. മലയോര മേഖലകളില് മഴയും കാറ്റും ശക്തമായേക്കും. ശനിയാഴ്ചയോടെ ശക്തമായ മഴ വടക്കന് കേരളത്തിലേക്കും വ്യാപിക്കും എന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ശക്തമായ കാറ്റിനും കടല് പ്രക്ഷുബ്ധം ആകാനും സാധ്യതയുള്ളതിനാല് കേരള-കര്ണാടക-ലക്ഷദ്വീപ് തീരങ്ങളില് ശനിയാഴ്ച വരെ മത്സ്യബന്ധനത്തിന് വിലക്കേര്പ്പെടുത്തിയിട്ടുണ്ട്.
