കുറ്റ്യാടി: മാരക ലഹരി മരുന്നുമായി യുവാവ് അറസ്റ്റില്‍ . നാദാപുരം കരിങ്കാണീന്റവിട ഷഫീറിനെയാണ് പോലീസ് പിടി കൂടിയത്. പാലേരിയിലെ ഒരു സ്വകാര്യ കോളേജിനടുത്ത് വാടക വീട് കേന്ദ്രീകരിച്ച് ലഹരി കച്ചവടം നടത്തിവരികയായിരുന്നെന്ന് പോലീസ് പറഞ്ഞു. കുറ്റ്യാടി അടുക്കത്ത് ആശാരിക്കണ്ടി അമീറിന്റെ വാടക വീട്ടില്‍ നിന്നാണ് പ്രതി പോലീസിന്റെ പിടിയിലായത്.18 ഗ്രാം എം.ഡി.എം.എ യും 250 ഗ്രാം കഞ്ചാവും കണ്ടെടുത്തതായി പോലീസ് പറഞ്ഞു. മറ്റൊരു കേസ് അന്വേഷണത്തിന് കുറ്റ്യാടി പോലിസ് എത്തിയപ്പോള്‍ ഒരാള്‍ ഓടുന്നത് കണ്ട് സംശയം തോന്നി പേരാമ്പ്ര പോലീസില്‍ അറിയിക്കുകയായിരുന്നു. പോലീസ് എത്തി വാടക വീട്ടില്‍ തെരച്ചില്‍ നടത്തിയാണ് ലഹരി വസ്തുക്കള്‍ പിടി കൂടിയത്. ഈ സമയം വീട്ടില്‍ നിന്നും ഓടിപ്പോയ മുഖ്യപ്രതി അമീറിനായി പോലീസ് തെരച്ചില്‍ ആരംഭിച്ചിട്ടുണ്ട്. ഒരാഴ്ചയായി പോലീസ് അമീറിനായി അന്വേഷിക്കുകയായിരുന്നു. അമീറിനെ കണ്ടെത്താന്‍ തെരച്ചില്‍ ആരംഭിച്ചിട്ടുണ്ട്.
പാലേരിയില്‍ മാരക ലഹരി മരുന്നുമായി യുവാവ് പിടിയില്‍
