ശബരിമല ക്ഷേത്രത്തിന്‍റെ ശ്രീകോവിലിൽ ചോർച്ച കണ്ടെത്തി.വെള്ളം കഴുക്കോലിലൂടെ ദ്വാരക പാലക ശില്‍പങ്ങളിൽ പതിക്കുന്നത് കണ്ടതോടെയാണ് ചോര്‍ച്ച ശ്രദ്ധയില്‍പ്പെട്ടത്. സംഭവത്തില്‍ ആഗസ്റ്റ് അഞ്ചിന് സ്വര്‍ണ്ണപ്പാളികള്‍ ഇളക്കി പരിശോധിക്കുമെന്ന് ദേവസ്വം ബോര്‍ഡ് അറിയിച്ചു.തന്ത്രി, തിരുവാഭരണ കമ്മീഷണർ എന്നിവരുടെ സാന്നിധ്യത്തിൽ ആകും നടപടികൾ. ഒരു ദിവസം കൊണ്ട് അറ്റകുറ്റപ്പണികൾ പൂർത്തിയാക്കാൻ കഴിയും എന്ന് ദേവസ്വം ബോർഡ്‌ അറിയിച്ചു.
ശബരിമല ശ്രീകോവിലില്‍ ചോര്‍ച്ച;ദ്വാരപാലക ശില്പങ്ങള്‍ നനയുന്നു സ്വര്‍ണപാളികള്‍ ഇളക്കി പരിശോധിക്കും
