കോഴിക്കോട് ജുവനൈൽ ഹോമിൽ നിന്ന് ചാടിപ്പോയ 16 കാരനെ ലഹരി സംഘങ്ങൾക്കിടയിൽ നിന്നും മോചിപ്പിച്ചു ചേവായൂർ പോലീസും ഡൻസാഫും. ഈ മാസം 23നാണ് കുട്ടിയെ കാണാതായത്.
വൈകുന്നേരം ഫുട്ബോൾ കളിക്കാനായി ഗ്രൗണ്ടിൽ പോയ കുട്ടി പിന്നീട് തിരിച്ചെത്തിയിരുന്നില്ല. ഇതിനെ തുടർന്ന് ജുവനൈൽ ഹോം അധികൃതർ പൊലീസിൽ വിവരമറിയിക്കുകയായിരുന്നു.
ലഹരി ഉപയോഗവുമായി ബന്ധപ്പെട്ട് കുട്ടിക്ക് നേരത്തെ കേസുള്ളതിനാൽ ഇത്തരം സംഘങ്ങളിൽ എത്തിപ്പെടാനുള്ള സാധ്യതയായിരുന്നു പോലീസും ഡെൻസാഫും അന്വേഷിച്ചത്. കോഴിക്കോട് റെയിൽവേ സ്റ്റേഷൻ പരിസരത്തെ ലഹരി സംഘങ്ങൾക്ക് ഇടയിൽ നിന്നാണ് ഈ കുട്ടിയെ കണ്ടെത്തിയത്.
ഡൻസാഫ് എസ് ഐ മനോജ് എടയാടത്ത്, ചേവായൂർ എസ് ഐ നിബിനും അന്വഷണത്തിന് നേതൃത്വം വഹിച്ചു.
