അടുത്ത 48 മണിക്കൂറിനുള്ളില് കേരളമുള്പ്പെടെയുളള ദക്ഷിണേന്ത്യന് സംസ്ഥാനങ്ങളില് തുലാവര്ഷമാരംഭിക്കാന് സാധ്യതയെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. തുലാവര്ഷത്തിനുമുന്നോടിയായി ബംഗാള് ഉള്ക്കടലിലും തെക്കേ ഇന്ത്യയിലും വടക്കുകിഴക്കന് കാറ്റിന്റെ വരവും സജീവമാകുന്നുണ്ട്.അടുത്ത 48 മണിക്കൂറിനുള്ളില് കാലവര്ഷം പൂര്ണമായും പിന്വാങ്ങും.
സംസ്ഥാനത്ത് അടുത്ത ദിവസങ്ങളില് ശക്തമായ മയ്ക്ക് സാധ്യതയെന്നും മുന്നറിയിപ്പുണ്ട്. പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം, കോഴിക്കോട്, വയനാട് ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചു. നാളെ പത്ത് ജില്ലകളിലും ചൊവ്വയും ബുധനും 11 ജില്ലകളിലും മഴ മുന്നറിയിപ്പുനല്കിയിട്ടുണ്ട്.
കൊല്ലം, പത്തനംതിട്ട, കോട്ടയം, ഇടുക്കി ജില്ലകളില് ചൊവ്വാഴ്ച ഓറഞ്ച് അലേര്ട്ട് പ്രഖ്യാപിച്ചു. ഇടിമിന്നലിനും സാധ്യതയുണ്ട്. ജനങ്ങള് ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു. കേരള കര്ണാടക തീരങ്ങളില് മത്സ്യബന്ധനത്തിനും വിലക്കില്ല.
