ഏഷ്യൻ ഗെയിംസിൽ ഇന്ത്യൻ താരങ്ങൾ മെഡൽ വേട്ട തുടങ്ങി. വെള്ളിമെഡലാണ് ഇന്ത്യ ആദ്യം സ്വന്തമാക്കിയത്. വനിതകളുടെ 10 മീറ്റർ ഷൂട്ടിങ്ങിലും പുരുഷൻമാരുടെ തുഴച്ചിലിലുമാണ് ഇന്ത്യൻ ടീം വെള്ളി നേടിയത്.
ആഷി ചൗക്സി, മെഹുലി ഘോഷ്, രമിത എന്നിവരടങ്ങിയ ടീമാണ് 10 മീറ്റർ എയർ റൈഫിൾ ഷൂട്ടിങ്ങിൽ വെള്ളി നേടിയത്. അർജുൻ ലാൽ ജാട്ട്, അരവിന്ദ് സിങ് സഖ്യമാണ് വെള്ളി തുഴഞ്ഞെടുത്തത്. രണ്ടിനങ്ങളിലും ചൈനയ്ക്കാണ് സ്വർണം. ഏഷ്യൻ ഗെയിംസ് റോവിങ്ങിൽ ഒരു വെങ്കലവും ഒരു വെള്ളിയും ഇന്ത്യ സ്വന്തമാക്കി. മെൻസ് എയ്റ്റ് ഫൈനലിൽ ആണ് വെള്ളി നേട്ടം ഇന്ത്യ സ്വന്തമാക്കിയിട്ടുണ്ട്.
പുരുഷന്മാരുടെ പെയറിൽ ബാബുലാൽ യാദവും ലേഖ് റാമും ആണ് വെങ്കലം നേടിയത്.
വനിതാ ക്രിക്കറ്റിലും ഇന്ത്യ മെഡൽ പ്രതീക്ഷയിലാണ്.സെമിയിൽ ബംഗ്ലാദേശിനെ എട്ട് വിക്കറ്റിന് തോൽപിച്ചാണ് ഇന്ത്യൻ താരങ്ങൾ ഫൈനലിൽ എത്തിയത്.മെഡൽ പട്ടികയിൽ നിലവിൽ ചൈനയ്ക്ക് പിന്നിലായി രണ്ടാമതാണ് ഇന്ത്യ
