ജമ്മു കശ്മീരിലെ പഹല്ഗാമില് ഇന്നലെയുണ്ടായ ഭീകരാക്രമണത്തില് പാകിസ്താന് തക്കതായ മറുപടി നല്കാന് കേന്ദ്രം. പാകിസ്താനുമായുള്ള നയതന്ത്ര ബന്ധം വിച്ഛേദിച്ചേക്കും. ഇസ്ലാമാബാദിലെ ഹൈക്കമ്മിഷന്റെ പ്രവര്ത്തനം നിര്ത്തിയേക്കും. സിന്ധു നദി ജല കരാറും റദ്ദാക്കിയേക്കും.
ഡല്ഹിയിലെ പാക് ഹൈക്കമ്മിഷനിലെ ഉദ്യോഗസ്ഥരെ പുറത്താക്കിയേക്കും. കര്ത്താര്പൂര് ഇടനാഴി അടച്ചേക്കും. വ്യാപാര രംഗത്തും നിയന്ത്രണം ഏര്പ്പെടുത്തും.പാകിസ്താനെ ആഗോള തലത്തില് ഒറ്റപ്പെടുത്താന് ഇന്ത്യ തീരുമാനിച്ചേക്കും. സുരക്ഷാകാര്യങ്ങള്ക്കുള്ള മന്ത്രിസഭാ ഉപസമിതി വൈകിട്ട് ചേരും.
ലഷ്ക്കര് ഇ തയ്ബ തലവന് സൈഫുള്ള കസൂരിയാണ് ഭീകരാക്രമണത്തിന്റെ ആസൂത്രകനെന്ന് തിരിച്ചറിഞ്ഞതായി ദേശീയ മാധ്യമങ്ങള് റിപ്പോര്ട്ട് ചെയ്യുന്നു. ആക്രമണം നടത്തിയ 4 ടിആര്എഫ് ഭീകരരുടെ ചിത്രം പുറത്ത് വിട്ടു
