ശ്രീനഗര്: തെക്കന് കശ്മീരിലെ പഹല്ഗാമില് വിനോദസഞ്ചാരികള്ക്കുനേരെ നടന്ന ഭീകരാക്രമണത്തില് കൊല്ലപ്പെട്ടവരുടെ എണ്ണം 29 ആയി. 20 പേര്ക്കാണ് പരിക്കേറ്റത്. കൊല്ലപ്പെട്ടവരില് ഒരു മലയാളിയും ഉള്പ്പെടും. എറണാകുളം ഇടപ്പള്ളി മോഡേണ് ബ്രഡിനടുത്ത് എന്. രാമചന്ദ്രനാണ് (65) മരിച്ചത്. പഹല്ഗാം മേഖലയില് ഭീകരര്ക്കായി സൈന്യം തിരച്ചില് തുടരുകയാണ്.
സൗദി സന്ദര്ശനം വെട്ടിച്ചുരുക്കിയ പ്രധാനമന്ത്രി നരേന്ദ്ര മോദി ഇന്ന് പുലര്ച്ചെ ഡല്ഹിയിലെത്തി. പ്രധാനമന്ത്രിയുടെ അധ്യക്ഷതയില് ഉന്നതതല യോഗം ചേര്ന്ന് സാഹചര്യം വിലയിരുത്തും. ആഭ്യന്തര മന്ത്രി അമിത് ഷാ ചൊവ്വാഴ്ച രാത്രി കശ്മീരിലെത്തിയിരുന്നു.
ചൊവ്വാഴ്ച പഹല്ഗാമിലെ ബൈസാരന്വാലിയിലെത്തിയ വിനോദസഞ്ചാരികള്ക്ക് നേരെയാണ് ഉച്ചയോടെ ഭീകരര് വെടിയുതിര്ത്തത്. ലശ്കര് വിഭാഗമെന്ന് കരുതപ്പെടുന്ന ദി റെസിസ്റ്റന്സ് ഫ്രണ്ട് (ടി.ആര്.എഫ്) ആ?ക്ര?മ?ണ?ത്തി?ന്റെ ഉത്തരവാദിത്തം ഏറ്റെടുത്തു.
