തിരുവനന്തപുരം: വൈറസ് എന്ന സിനിമയിൽ ജോജു ജോസഫ് അവതരിപ്പിച്ച ഐസൊലേഷൻ വാർഡിലെ ജീവനക്കാരനായ കഥാപാത്രത്തെ അധികമാരും മറക്കില്ല. വീട്ടിൽപോലും പോകാതെ മൃതദേഹങ്ങൾ ചുമന്നുമാറ്റി, ഡോക്ടർമാർക്കൊപ്പം വാർഡിൽ ജോലിചെയ്ത താത്കാലിക ജീവനക്കാരനായ ആ കഥാപാത്രത്തെ അനുസ്മരിപ്പിക്കുന്ന ഒരാൾ തിരുവനന്തപുരം ജനറൽ ആശുപത്രിയിലുണ്ട്. കൊറോണ ഐസൊലേഷൻ ഒ.പി.യിലും വാർഡിലും ജോലി ചെയ്യുന്ന ബി. പ്രശാന്ത്. അദ്ദേഹം വിശ്രമിച്ചിട്ട് 20 ദിവസമായി. ഡോക്ടറടക്കം മറ്റ് ജീവനക്കാരുടെ അധ്വാനത്തിനൊപ്പം രാത്രിയും പകലും നിൽക്കുന്ന പ്രശാന്തിന് ഈ ജോലി ഒരു നിഷ്കാമകർമമാണ്
