തൃശൂര്: മുരിങ്ങൂരില് ഭാര്യയെ വെട്ടിക്കൊലപ്പെടുത്തിയ ഭര്ത്താവിന്റെ മൃതദേഹം റെയില്വേ ട്രാക്കില്. മുരിങ്ങൂര് സ്വദേശി ഷീജയെ വെട്ടിക്കൊലപ്പെടുത്തിയ കേസില് പ്രതിസ്ഥാനത്തുള്ള ഭര്ത്താവ് ബിനുവിനെയാണ് ട്രെയിന് തട്ടി മരിച്ച നിലയില് കണ്ടെത്തിയത്. കൊരട്ടി കമ്യൂണിറ്റി ഹാളിന് പിന്വശത്തുള്ള ട്രാക്കിലാണ് ഇയാളുടെ മൃതദേഹം കണ്ടെത്തിയത്. ഇന്ന് രാവിലെയാണ് സംഭവം. ഭാര്യ ഷീജയെ വെട്ടിക്കൊലപ്പെടുത്തിയ ബിനു 11ഉം 8ഉം വയസ്സുള്ള കുട്ടികളെ വെട്ടിപ്പരിക്കേല്പിക്കുകയും ചെയ്തു. കുട്ടികളെ ഗുരുതരപരിക്കുകളോടെ ആശുത്രിയില് പ്രവേശിപ്പിച്ചിരിക്കുകയാണ്. ഇതില് ആണ്കുട്ടിയുടെ നില ഗുരുതരമാണ്. കൊലപാതകത്തിന് ശേഷം ഒളിവില് പോയ ബിനുവിനായി പൊലീസ് തെരച്ചില് നടത്തുന്നതിനിടെയാണ് മൃതദേഹം കണ്ടെത്തിയത്.
ഭര്ത്താവ് ഭാര്യയെ വെട്ടിക്കൊന്നു; തടയാന് ശ്രമിച്ച രണ്ട് മക്കള്ക്ക് പരിക്ക്; കൊലപാതകത്തിന് ശേഷം ഒളിവില് പോയ ബിനുവിന്റെ മൃതദേഹം റെയില്വേ ട്രാക്കില്
