മുഖ്യമന്ത്രിയുടെ അഡീഷണല് പ്രൈവറ്റ് സെക്രട്ടറി സിഎം രവീന്ദ്രന് എന്ഫോഴ്സ്മെന്റ് ഡയറക്ടറേറ്റ് വീണ്ടും നോട്ടിസ് നല്കും. കൊവിഡ് മുക്തനായതിനെ തുടര്ന്ന് ആശുപത്രി വിട്ട സാഹചര്യത്തിലാണ് ചോദ്യം ചെയ്യലിന് ഇ.ഡി ഒരുങ്ങുന്നത്.
എം.ശിവശങ്കറിനെ ചോദ്യം ചെയ്തതില് നിന്നും ലഭിച്ച വിവരങ്ങളുടെ അടിസ്ഥാനത്തിലാണ് രവീന്ദ്രനെ ചോദ്യം ചെയ്യാന് അന്വേഷണ സംഘം തീരുമാനിച്ചത്. കഴിഞ്ഞ രണ്ടാം തിയതിയാണ് രവീന്ദ്രനെ ചോദ്യം ചെയ്യാന് എന്ഫോഴ്സ്മെന്റ് ഡയറക്ടറേറ്റ് തീരുമാനിച്ചിരുന്നത്. എന്നാല് ചോദ്യം ചെയ്യുന്നതിന് തലേദിവസം കൊവിഡ് സ്ഥിരീകരിച്ചതിനെ തുടര്ന്ന് ചോദ്യം ചെയ്യല് നീട്ടിവെക്കുകയായിരുന്നു.
നിലവില് കൊവിഡ് മുക്തനായതിനെ തുടര്ന്നാണ് അദ്ദേഹത്തെ വീണ്ടും ചോദ്യം ചെയ്യാന് ഇ.ഡി നീക്കം നടത്തുന്നത്. ശബ്ദരേഖ പുറത്തുവന്ന സാഹചര്യത്തില് സ്വപ്ന സുരേഷിനെ വീണ്ടും ഇ.ഡി ചോദ്യം ചെയ്തേക്കുമെന്നും വിവരമുണ്ട്.
