എല്ദോസ് കുന്നപ്പിള്ളിക്കെതിരെ ഇന്ന് തന്നെ പാര്ട്ടി നടപടിയുണ്ടാകുമെന്ന് പ്രതിപക്ഷ നേതാവ് വിഡി സതീശന്. കെപിസിസി പ്രസിഡന്റുമായി ആലോചിച്ചതിനുശേഷം തീരുമാനമെടുക്കും. ജാമ്യം ലഭിച്ചതും എൽദോസ് കുന്നപ്പള്ളിലിന്റെ വിശദീകരണവും പരിഗണിച്ചായിരിക്കും നടപടി.എംഎൽഎ ഓഫീസിലെ ലഡു വിതരണത്തിൽ അസ്വാഭാവികതയില്ലെന്നും പ്രതിപക്ഷ നേതാവ് പറഞ്ഞു.ജാമ്യം ലഭിച്ചതിലെ സന്തോഷം കാരണമാകും ലഡു വിതരണം നടത്തിയത്. അതില് അസ്വാഭാവികതയില്ല.എല്ദോസ് കുന്നപ്പിള്ളിലിന് മുന്കൂര് ജാമ്യം ലഭിച്ചപ്പോള് പെരുമ്പാവൂരിലെ എം എല് എയുടെ ഓഫീസില് ലഡു വിതരണം ചെയ്തിരുന്നു. കെ മുരളീധരന് എംപി ഇതിനെതിരെ ഇന്ന് രംഗത്ത് വരികയും ചെയ്തിരുന്നു.ഇന്നോ നാളെയോ കെ പി സി സി യുടെ നടപടിയുണ്ടാകും. എം എൽ എ ഓഫീസിൽ ലഡു വിതരണമൊക്കെ അന്തിമ വിധി കഴിഞ്ഞിട്ടാകുന്നതാണ് നല്ലതെന്നായിരുന്നു മുരളീധരന്റെ പരിഹാസം.
എൽദോസിനെതിരെ ഇന്ന് നടപടി;സന്തോഷം കാരണമാകും ലഡു വിതരണം നടത്തിയത്,അസ്വാഭാവികതയില്ലെന്ന് വി ഡി
