ന്യൂഡല്ഹി: ഡല്ഹി മുഖ്യമന്ത്രിയായി ആതിഷി മര്ലേന സത്യപ്രതിജ്ഞ ചെയ്തു. അരവിന്ദ് കെജ്രിവാള് അടക്കം പങ്കെടുത്ത ചടങ്ങില് ലെഫ്റ്റനന്റ് ഗവര്ണര് വി.കെ സക്സേന സത്യവാചകം ചൊല്ലിക്കൊടുത്തു. ദൈവനാമത്തിലായിരുന്നു ഡല്ഹിയുടെ പുതിയ മുഖ്യമന്ത്രിയുടെ സത്യപ്രതിജ്ഞ.
ഡല്ഹിയില് മുഖ്യമന്ത്രി പദത്തിലെത്തുന്ന മൂന്നാമത്തെ സ്ത്രീയാണ് ആതിഷി. അരവിന്ദ് കെജ്രിവാള് രാജിവെച്ചതിനെ തുടര്ന്നാണ് ആതിഷി മുഖ്യമന്ത്രി സ്ഥാനത്തേക്ക് എത്തിയത്. ഡല്ഹി രാജ്നിവാസിലാണ് ചടങ്ങ് നടന്നത്.
ചടങ്ങില് ഗോപാല് റായ്, കൈലാഷ് ഗെഹ്ലോട്ട്, സൗരഭ് ഭരദ്വാജ്, ഇമ്രാന് ഹുസൈന്, മുകേഷ് അഹ്ലാവത് എന്നിവര് മന്ത്രിമാരായും സത്യപ്രതിജ്ഞ ചെയ്തു. ഇവര് മുന്പ് കെജ്രിവാള് മന്ത്രിസഭയിലും മന്ത്രിമാരായിരുന്നു. ഈ മാസം 26, 27 തീയതികളില് ദില്ലി നിയമസഭ സമ്മേളനം ചേരാനും തീരുമാനമുണ്ട്.