വയനാട് : ബാണാസുരസാഗർ ഡാമിന്റെ ഷട്ടറുകൾ 15 സെൻറീമീറ്റർ കൂടി ഉയർത്തി. ഇക്കാര്യം അധികൃതർ അറിയിച്ചു. നിലവിൽ രണ്ട് ഷട്ടറുകളും കൂടി 30 സെൻറീമീറ്റർ ആണ് ഉയർത്തിയത്. ഇത് 45 സെൻറീമീറ്റർ ആകും. നിലവിൽ സെക്കൻഡിൽ 25 കുബിക് മീറ്റർ വെള്ളമാണ് പുറത്തേക്കു ഒഴുക്കുന്നത്. അതു സെക്കൻഡിൽ 37.5 കുബിക് മീറ്റർ ആയി വർധിക്കും.
അതേ സമയം കക്കയം ഡാം നിലവിൽ തുറക്കില്ല. നിലവിലെ ജലനിരപ്പിൽ നിന്നും രണ്ടടി കുറഞ്ഞ സാഹചര്യത്തിലാണ് പുതിയ അറിയിപ്പ്. അതേ സമയം ജില്ലാ കലക്ടർ സാംബശിവ റാവുവിന്റെ അനുമതി അധിക ജലം ഒഴുക്കി വിടുന്നതിന് ലഭിച്ചിട്ടുണ്ട്. എന്നാൽ നിലവിൽ തുറക്കേണ്ട സാഹചര്യം ഇല്ലായെന്ന് അധികൃതർ അറിയിച്ചു
ഇടുക്കി ഡാം നിലവിൽ തുറക്കില്ല. ജലനിരപ്പ് ബ്ലൂ ലെവലിൽ നിലവിൽ എത്തിയിട്ടില്ല. ബ്ലൂ ലെവൽ ലെവൽ കഴിഞ്ഞ് എട്ടടി ഉയർന്നെങ്കിൽ മാത്രമേ ഷട്ടർ തുറക്കുകയുള്ളു. മുല്ലപെരിയാർ ഡാമിലെ ജലനിരപ്പ് 136 അടിയാണ് .
