ന്യൂഡല്ഹി: മുന് പ്രധാനമന്ത്രിയും കോണ്ഗ്രസ് നേതാവുമായിരുന്ന രാജീവ് ഗാന്ധിയുടെ 34ാം രക്തസാക്ഷിത്വ ദിനത്തില് വൈകാരിക കുറിപ്പുമായി മകനും ലോക്സഭ പ്രതിപക്ഷ നേതാവുമായ രാഹുല് ഗാന്ധി. പിതാവിന്റെ ഓര്മകളാണ് തന്നെ ഓരോ ചുവടുവെപ്പിലും നയിക്കുന്നതെന്നും അദ്ദേഹത്തിന്റെ പൂര്ത്തീകരിക്കപ്പെടാത്ത സ്വപ്നങ്ങള് സാക്ഷാത്കരിക്കുമെന്നും രാഹുല് എക്സിലെ കുറിച്ചു.
‘പപ്പാ, നിങ്ങളുടെ ഓര്മകളാണ് എന്നെ ഓരോ ചുവടുവെപ്പിലും നയിക്കുന്നത്. നിങ്ങളുടെ പൂര്ത്തീകരിക്കപ്പെടാത്ത സ്വപ്നങ്ങള് സാക്ഷാത്കരിക്കുക എന്നതാണ് എന്റെ ദൃഢനിശ്ചയം – ഞാന് തീര്ച്ചയായും അവ നിറവേറ്റും’. -രാഹുല് എക്സില് കുറിച്ചു.
രാജീവ് ഗാന്ധിയുടെ സ്വപ്നങ്ങള് സാക്ഷാത്കരിക്കുമെന്ന് കോണ്ഗ്രസ് പാര്ട്ടി ഔദ്യോഗിക എക്സ് പേജില് കുറിച്ചു. കൂടാതെ, രാജീവിന്റെ ഓര്മകളുടെ വിഡിയോയും പങ്കുവെച്ചിട്ടുണ്ട്. രാവിലെ സമാധിസ്ഥലമായ വീര്ഭൂമിയില് രാഹുല് ഗാന്ധിയും പാര്ട്ടി അധ്യക്ഷന് മല്ലികാര്ജുന് ഖാര്ഗെയും, സചിന് അടക്കം കോണ്ഗ്രസ് നേതാക്കളും പുഷ്പാര്ച്ചന നടത്തി.
