അര്ജന്റീന നായകന് ലയണല് മെസ്സിയെ അഭിനന്ദിച്ച് ബ്രസീല് സൂപ്പര്താരവും പിഎസ്ജിയിലെ സഹതാരവുമായ നെയ്മര്.സ്പാനിഷ് ഭാഷയിലുള്ള ഒറ്റവരിയിലൂടെയായിരുന്നു മത്സരത്തിന് ശേഷം നെയ്മറുടെ ട്വീറ്റ്. സഹോദരന് അഭിനന്ദനങ്ങള് എന്നായിരുന്നു ആ സ്പാനിഷ് ട്വീറ്റിന്റെ അർത്ഥം.അഭിനന്ദനത്തിനൊപ്പം ഗോള്ഡന് ബോളുമായി ലോകകപ്പിനെ തലോടുന്ന മെസ്സിയുടെ ഫോട്ടോയും നെയ്മര് പങ്കുവെച്ചിട്ടുണ്ട്.ഉജ്ജ്വലമായ പോരാട്ടത്തില് നിലവിലെ ചാമ്പ്യന്മാരായ ഫ്രാന്സിനെ പെനാല്ട്ടി ഷൂട്ടൗട്ടില് മറികടന്ന് (4-2) അര്ജന്റീന മൂന്നാം ലോകകിരീടം സ്വന്തമാക്കിയത്. നിശ്ചിതസമയത്തും (2-2) അധികസമയത്തും (3-3) തുല്യത പാലിച്ചതോടെയാണ് മത്സരം പെനാല്ട്ടി ഷൂട്ടൗട്ടിലേക്കു നീണ്ടത്. 1978, 1986 ലോകകപ്പുകള് നേടിയ അര്ജന്റീന 36 വര്ഷത്തിനു ശേഷമാണ് വീണ്ടും ജേതാക്കളാവുന്നത്. 2002-ല് ബ്രസീലിനുശേഷം ഒരു ലാറ്റിനമേരിക്കന് രാജ്യം ലോകകപ്പുയര്ത്തുന്നത് ആദ്യം.കപ്പില് തൊട്ടുനിന്ന് പുഞ്ചിരിക്കുന്ന മെസിയുടെ ചിത്രത്തോടൊപ്പമായിരുന്നു നെയ്മറുടെ ട്വീറ്റ്. നെയ്മറിന്റെ ബ്രസീല് ക്വാര്ട്ടര് ഫൈനല് മത്സരത്തില് ക്രൊയേഷ്യയോട് പരാജയപ്പെട്ട് പുറത്തായിരുന്നു. ലോകകപ്പ് ചരിത്രത്തിലെ ഏറ്റവും ആവേശകരമായ ഫൈനലിനാണ് ഖത്തറിലെ ലുസൈൽ സ്റ്റേഡിയം സാക്ഷിയായത്.
‘അഭിനന്ദനങ്ങള് സഹോദരാ’മെസ്സിയെ അഭിനന്ദിച്ച് ബ്രസീല് സൂപ്പര്താരം നെയ്മർ
