കാസര്കോട്: കുറ്റിക്കോലില് കാറും സ്കൂട്ടറും കൂട്ടിയിടിച്ച് ഭാര്യയും ഭര്ത്താവും മരിച്ചു. സ്കൂട്ടര് യാത്രക്കാരായ ബന്തടുക്ക സ്വദേശി രാധാകൃഷ്ണന്(71), ഭാര്യ ചിത്രകല (58) എന്നിവരാണ് മരിച്ചത്. ഇന്ന് രാവിലെയാണ് സംഭവം. കയറ്റത്ത് വച്ച് എതിരെ വരികയായിരുന്ന കാര് സ്കൂട്ടറില് ഇടിക്കുകയായിരുന്നു. കാസര്കോട് ഭാഗത്ത് നിന്നാണ് കാര് വന്നത്. കാറിന്റെ അമിത വേഗമാണ് അപകട കാരണമെന്നാണ് നാട്ടുകാര് പറയുന്നത്.
ഇന്നലെ മലയോര മേഖലയില് അടക്കം ശക്തമായ മഴ ലഭിച്ചിരുന്നു. മഴയെ തുടര്ന്ന് റോഡില് നിയന്ത്രണം വിട്ട കാര് സ്കൂട്ടറില് ഇടിക്കുകയായിരുന്നുവെന്നാണ് പൊലീസ് പറയുന്നത്.
