തിരുവനന്തപുരം: കേരളത്തിന് പുതുതായി അനുവദിച്ച വന്ദേഭാരത് എക്സ്പ്രസിന്റെ രണ്ടാം ഘട്ട ട്രയല് റണ് ആരംഭിച്ചു. തിരുവനന്തപുരം തമ്പാനൂര് റെയില്വേ സ്റ്റേഷനില് നിന്ന് കാസര്കോട് വരെയാണ് രണ്ടാം ഘട്ട ട്രയല് റണ് നടത്തുന്നത്.
ട്രെയിന് സര്വ്വീസ് കാസര്കോട് വരെ നീട്ടിയ പശ്ചാതലത്തിലാണ് കാസര്കോട് വരെയുളള് രണ്ടാം ഘട്ട ട്രയല് റണ്. തമ്പാനൂര് റെയില്വേ സ്റ്റേഷനില് നിന്ന് പുലര്ച്ചെ 5.20ന് പുറപ്പെട്ട ട്രെയിന് കാസര്ഗോഡ് നിന്ന് ഇന്ന് ഉച്ചയോടെ തിരിച്ച് രാത്രിയോടെ തിരുവനന്തപുരത്ത് മടങ്ങിയെത്തും. കണ്ണൂര് വരെ ഏഴുമണിക്കൂറിനുള്ളില് ട്രെയിന് എത്തിക്കാനാണ് ശ്രമം. ട്രെയില് 50 മിനിറ്റില് ട്രെയിന് കൊല്ലത്തെത്തി.
ഇന്നലെ തിരുവനന്തപുരത്ത് നിന്ന് കണ്ണൂര് വരെ ഒന്നാം ഘട്ട ട്രയല് റണ് നടത്തിയിരുന്നു. നേരത്തെ കണ്ണൂര് വരെ എന്ന് പ്രഖ്യാപിച്ച വന്ദേഭാരത് സര്വീസ് കാസര്കോട് വരെ നീട്ടിയതായി ഇന്നലെ റെയില്വേ മന്ത്രി അറിയിച്ചിരുന്നു. വന്ദേഭാരതിന്റെ കേരളത്തിലെ ഫ്ലാഗ് ഓഫ് പ്രധാനമന്ത്രി തന്നെ നിര്വഹിക്കുമെന്നും അദ്ദേഹം വ്യക്തമാക്കി. 25ാം തിയതിയാകും വന്ദേ ഭാരത് മോദി കേരളത്തിന് സമര്പ്പിക്കുകെയന്നും കേന്ദ്ര റെയില്വേ മന്ത്രി അറിയിച്ചു.
