തിരുവനന്തപുരം: സെക്രട്ടറിയേറ്റ് പടിക്കല് സമരം ചെയ്യുന്ന ആശമാരുമായി സര്ക്കാര് നടത്തിയ ചര്ച്ച പരാജയം. തങ്ങളുടെ ഡിമാന്ഡുകള് ഒന്നും അംഗീകരിച്ചില്ലെന്നും പണമില്ലെന്നും സര്ക്കാര് അറിയിച്ചതായി ചര്ച്ചക്ക് ശേഷം ആശമാര് മാധ്യമങ്ങളോട് പറഞ്ഞു. സമയം നല്കണമെന്നാണ് സര്ക്കാര് ആവശ്യപ്പെട്ടിരിക്കുന്നത്.ജീവിക്കാന് വേണ്ട ഏറ്റവും മിനിമം ചോദിക്കുമ്പോഴാണ് ഖജനാവില് പണമില്ല എന്ന് പറയുന്നത്. മറ്റ് പലര്ക്കും ലക്ഷങ്ങള് കൊടുക്കാന് കഴിയുന്നുണ്ട്.അതുകൊണ്ട് ഖജനാവില് പണമില്ല എന്ന വാദം അംഗീകരിക്കാനാവില്ലെന്നും ആശമാര് പറഞ്ഞു. ഓണറേറിയത്തിന് മേലുള്ള മാനദണ്ഡങ്ങളെ പറ്റിയാണ് ചര്ച്ച ചെയ്തത്.ചര്ച്ച പരാജയപ്പെട്ടതോടെ സമരം തുടരുമെന്ന് ആശമാര് അറിയിച്ചു.
അതേസമയം, ആശമാരുടെ ആവശ്യങ്ങള് ആരോഗ്യ മന്ത്രിയുമായി ചര്ച്ച ചെയ്യാമെന്ന് എന്എച്ച്എം ഡയറക്ടര് അറിയിച്ചു. സെക്രട്ടറിയേറ്റ് പടിക്കല് ആശമാര് നടത്തുന്ന രാപ്പകല് സമരം ഇന്ന് 38ാം ദിവസത്തിലേക്ക് കടന്നിരിക്കുകയാണ്.സമരത്തിന്റെ മൂന്നാം ഘട്ടമായി നാളെനിരാഹാരസമരം ആരംഭിക്കുമെന്നും സമരവേദിയില് 3 ആശമാര് നിരാഹാരമിരിക്കുമെന്നും ആശമാര് അറിയിച്ചിരുന്നു.
