പത്തനാപുരത്ത് മൂന്ന് മാസം പ്രായമുള്ള കുഞ്ഞുമായി അമ്മ കിണറ്റില് ചാടി. പട്ടാഴി സ്വദേശി സാംസിയാണ് കിണറ്റില് ചാടിയത്. കുഞ്ഞ് മരിച്ചു. ഗുരുതര പരുക്കുകളോടെ സാംസിയെ അടൂർ താലൂക്ക് ആശുപത്രിയിൽ പ്രവേശിപ്പിച്ചു. ഇന്ന് രാവിലെ 11 മണിയോടെ ആയിരുന്നു സംഭവം. കൊട്ടാരക്കരയിലെ സ്വകാര്യ ആശുപത്രിയിലെ നഴ്സാണ് സാംസി
മൂന്ന് മാസം പ്രായമുള്ള മകള് അന്നയെ ചുരിദാറിന്റെ ഷാള് കൊണ്ട് ശരീരത്തില് ബന്ധിപ്പിച്ച ശേഷമാണ് ഇവര് കിണറ്റില്ച്ചാടിയത്. സംഭവസമയത്ത് വീട്ടില് ആരും ഉണ്ടായിരുന്നില്ല.
സാംസിയെയും കുഞ്ഞിനെയും വീട്ടില് കാണാതിരുന്നതോടെ സോമിനി അയല്ക്കാരെയും മറ്റും വിവരമറിയിച്ചു. തുടര്ന്ന് തിരച്ചില് നടത്തുന്നതിനിടെയാണ് യുവതിയെ കിണറ്റില് കണ്ടെത്തിയത്. മോട്ടോറിന്റെ പൈപ്പില് തൂങ്ങിപിടിച്ച് നില്ക്കുകയായിരുന്നു യുവതി. ഉടന്തന്നെ നാട്ടുകാര് കിണറ്റിലിറങ്ങി ഇരുവരെയും കരയ്ക്ക് കയറ്റി അടൂര് താലൂക്ക് ആശുപത്രിയില് എത്തിച്ചെങ്കിലും കുഞ്ഞിന്റെ ജീവന് രക്ഷിക്കാനായില്ല.
കല്ലട സ്വദേശി ഷിബുവാണ് സാംസിയുടെ ഭര്ത്താവ്. ഒന്നരമാസം മുമ്പ് ഭര്ത്താവ് ഗള്ഫില് പോയതിന് പിന്നാലെയാണ് സാംസി പട്ടാഴിയിലെ സ്വന്തം വീട്ടിലെത്തിയത്. ആത്മഹത്യാശ്രമത്തിലേക്ക് നയിച്ച കാരണമെന്തെന്ന് വ്യക്തമല്ല
