സ്വര്ണക്കടത്ത് കേസ് പ്രതി സ്വപ്ന സുരേഷിന്റെ രഹസ്യമൊഴിയുടെ പകര്പ്പ് ആവശ്യപ്പെട്ട് സരിത എസ്.നായര് സമര്പ്പിച്ച ഹര്ജി കോടതി തള്ളി. തന്നെക്കുറിച്ചും രഹസ്യമൊഴിയില് സ്വപ്ന പറയുന്നതായി മാധ്യമങ്ങളിലൂടെ അറിഞ്ഞെന്ന് ചൂണ്ടിക്കാട്ടിയാണ് സരിത നായര് കോടതിയെ സമീപിച്ചത്.
എന്നാല് രഹസ്യമൊഴിയുടെ പകര്പ്പ് അന്വേഷണ ഏജന്സിക്ക് മാത്രമേ നല്കാനാവൂ എന്ന് വ്യക്തമാക്കിയാണ് എറണാകുളം പ്രിന്സിപ്പല് സെഷന്സ് കോടതി ഹര്ജി തള്ളിയത്. അന്വേഷണം പൂര്ത്തിയാകുന്നത് വരെ പകര്പ്പ് ആര്ക്കും നല്കാനാവില്ലെന്നും കോടതി പറഞ്ഞു. മൊഴിപ്പകര്പ്പ് മൂന്നാം കക്ഷിക്ക് നല്കാനാകില്ലെന്ന് കോടതി വ്യക്തമാക്കി. കേസില് അന്വേഷണം തുടരുകയാണെന്നും കോടതി വ്യക്തമാക്കി. നേരത്തെ സമാന ആവശ്യം ഉന്നയിച്ച് ക്രൈംബ്രാഞ്ച് നല്കിയ ഹര്ജി തള്ളിയ കാര്യവും കോടതി പരാമര്ശിച്ചു.
എന്നാല് എറണാകുളം പ്രിന്സിപ്പല് സെഷന്സ് കോടതിയുടെ ഉത്തരവിനെതിരെ ഹൈക്കോടതിയെ സമീപിക്കുമെന്നാണ് സരിത അറിയിച്ചത്.
